(ايران برة برة )! ليش والسبب ؟؟؟

-الفاسد في ايران مصيره السجن والمحاكمة كائنا من كان
(اخو رئيس الجمهورية في السجن بتهم فساد)
اما في العراق فالفاسد من منصب الى منصب او بالخارج يلعب

-الارهابي في ايران حكمه اعدام وينتهي الامر,
اما في العراق فقاتل ومفخخ يسجن في سجن 5 نجوم مثل سجن الحوت
اكل وشرب وزقنبوت وعلاج وتلفزيون وتلفون وكرة قدم ...ألخ
واحتمال يطلع ويهرب ..

-اذا ايران في العراق فمعناها لابعثية ولادواعش ولاصرخجية
ولاشيوعية ولانواشيط وهتلية, طك بالدهن وينتهي الموضوع
صدك حالة تخرع:chuncky:

-ايران دولة واحدة لا اقاليم ولاحكم ذاتي,
بينما العراق شماله دولة وغربه احتمال دولة وجنوبه يريد دولة ,
اذا ايران بالعراق فيا مسعود احلم باقليم واحلم ب بير نفط ورواتب خمط
والغربية احلموا باقليم,
دولة واحدة واللي يفص عقابه الحمس..

-في ايران امريكا ماكو,
يعني لاسفارة بألف موظف ولا نواشيط ولافروخ السفارة مثل العراق

-ايراني عامل قناة على التلكغرام بفرنسا ضد الحكومة
رجعوه ونزل بايفين نزل , واحنا بالعراق البزاز عنده شرقية
والبشير قناة والحمداني قناة والكرابلة قناة وكلها تهريج وتخريب
لو الحكم مثل ايران سعد البزاز شنو مصيره:chuncky:

-في ايران المسؤول راتبه محدد وماكو مليونيات,
اما في العراق فالراتب مليوني انفجاري للمسؤول ووراها تقاعد
مثل رئيس الجمهورية الشمري حكم شهر وراتبه التقاعدي 30 مليون شهريا

-في ايران معمم وعنده كتلة ويلغي بكيفه ماكو,
اما في العراق فعندنا عمار ومقتدى والصرخجي واليماني وفتاح الفال
وكل من يلعب بكيفه , لو ايران بالعراق وين يولون ؟؟

وهناك نقاط غيرها كثيرة ..
...............................

لذلك في العراق الفاسد والمعمم والبعثي والداعشي والانفصالي
والساذج المضحوك عليه لا نجاة لهم الا بشعار
( ايران برة برة)

لأن اذا ايران جوه ,
تراهم ينتهون ...