قالت رغد : بابا أسد

الشاعر : أرنوبي
قالت رغد ....بابا أسد ...
وهو فار
أسد لبد ..... بين الحفر .... والأحجار
أكبر ذكي ! لكن دماغه مندار
نجار ما شايف بعمره منشار
ولا لزم بيده جاكوج
ودك بسمار
حداد مالاوي حديد ابيوم
ماشاعل نار
عسكري بس موطيار
لامشاة ولابحار
مدري شنو شغله ؟
محارب مغوار ؟
وبعمره ماخش ابحرب
لو شارك بخط النار
طه وباعنّه ثلج
وصبوحه باعت على الاقل
حلقوم وضروك الفار
اشلون اسد وابكل حرب
فاشل كسير ومنهار
عاطل وبس مره اشتغل
جاسوس قاتل غدار
قالت رغد ... بابا أسد ...
وهو فار
شنو السبب صدام ماقاتل عدوّه ولا ثار
ولامات موتة احرار
اكبر جبان اكبر عار
خجّل شعبنه القعقاع !
خجل علجنه الثرثار
محمد سعيد المهذار
اكبر وزير اعلام راسب بالدين
وبالأخلاق وبالأفكار
كذاب من اول باب
ساقط بكل الألعاب
مايعرف ايخض الزار
حسباله تصفاله الدار
نست رغد : هذا الأسد
خله جناحات وطار
وحزب البعث وسط الحرب
بلا قائد ايكرط نعل ويه خيار
آلاف طلعت حاربت !
وصدام جندي أفرار .
جا ؟ وين قائدنه الأسد
جا؟ وينه حتى لو جرذ
لو جلب لو قط لو فار
داده رغد : بابا الأسد
مايصلح ايصير احمار
واتقبلي الاعتذار .

عيني ام سوسن عاشت ايدك بس انتي ظلمتي الحمار والله.

السلام عليكم
اود التعقيب على كلمة الاسد والمعروف ان الاسد والذئب من الحيوانات المتوحشة التى تعيش فى الغابة والتى تتشرف السسسسست رغد بتلقيب اباها بها والله الله يساعد الشغب العراقى على هكذا حاكم اى الاسد والحمد لله اننا تخلصنا من الاسد والحيوانات المتوحشة التى تفتخر بها رغد وبالغعل الاسد مكانه فى النهاية القفص وهذا هو مكان الاسد الذى تدعى به رغد

السلام عليكم ورحمة الله وبركاته

ياجماعه صحيح اسد لاكن بليا اسنون