سلام وتحية الى منازار

[باقر.ع.الهادي]

سلام عليكم ورحمته تعالى وبركاته

تحية طييبة الى خالتي منازار (( بس لاتگليلي وخلخاله ولك اشتريد يوميه أمخرب كمبيوترك وتعاي يمنازار دوريلي برامج بسك عاد يومية جايبلي مشكلة وشالع گلبي )) بس حتى لو گلتيلي مقبولة منچ وآني السبب لأن آنه ماأگعد راحة . وتردين الصدگ آنه أدري گلبچ چبير يتحمل شلاع الگلب الله يحفظ گلبچ وگلوب كل الطييبين (* گولي آمين *)

خالتي الطييبة أريد منچ برنامج لتغيير السيريل نمبر مال ويندوا أكس بي ابروفشنل لأن كلما أسوي آب ديت للويندوا مايصير والسيدة أو السيد مايكروا سوفت يگلولي أن الويندوا الي عندك غير أصلية وطبعا بعده تبدي المشاكل وتعال يسيد باقر صلح وصلح وتدرين خالتي كان عندي البرنامج ومخليه على افلوبي دسك بس ماگعدت راحة مسحته لأني گلت ماأحتاجه المهم آني أريد البرنامج حتى أغير السيريل نمبر مال الويندوا حتى اتصير أصلية كلش كلش والله يرحم أمواتچ ويخليهم بالجنة (( وحسب مايگولون يخالتي وهاي بيني وبينچ يگولون الجنة بيه كلشي وكلاشي ))

[محمد من الكوفة]

السلام عليكم
اي والله خويه اذا ممكن هذا (Update) كتلني وربالي عله اني ما اعرف بالضبط عليمن يحكي السيد الله يحفظه بس عرفت انه نسخته من الوندو مو اصليه وانه يطلب الجهاز منه اوبديت ويبدا الجهاز بالخربطه اذا ممكن الحل ولك وله الشكر بعد الله

[منازار]

وعليكم السلام والرحمة اخواني الافاضل

اخي الفاضل باقر لا تتردد بطلب اي مساعدة او برنامج اني بخدمتكم

ومرح اقول ابدا ساعة السوده الصرت بيها مشرفة



الله يحفظكم ويحفظ الجميع

تفضلوا المفتاح http://www.mediafire.com/?2jjtdzwdltc




بس هاي المرة احفظه باكثر من سيدي


تحياتي


وماجورين جميعا

[منازار]

اخي الفاضل محمد حمل الملف وبعدها قم بعمل التحديث

تحياتي

[باقر.ع.الهادي]

خالتي الطييبة سلام عليكم

خالتي مو هذا البرنامج احلفلچ بالحمزة الشرجي والحمزة الغربي وسلمان باك وسبع الدجيل وسيد محمد مو هذا البرنامج

البرنامج اللي ادور عليه قديم بس مضبوط وعمله يكون كالتالي بعد تحميل البرنامج في أفلوبي دكس وبعد تشغيل البرنامج تفتح صفحة سوداء ومن ثم يطلب الضغط على أي مفتاح للأستمرار وبعد وبعد ثم يسأل هل تريد تغيير السيريل ومن خلال البرنامج ممكن ان تختاري سيريل جديد للوندوا

المشكلة آنه نسيت اسم البرنامج وكذلك الخطوات بالضبط حتى يكون واضح بس آني اعتقد انتي ستذكرينه وتعريفينه ان شاء الله

أنا أتذكر ان البرنامج موجود في قسم الكمبيوتر بس شسمه هاي المشكلة الله يلعن الشيطان والنسيان

بس خالة انت ليش گلتي هيچ

ومرح اقول ابدا ساعة السوده الصرت بيها مشرفة

مو مشكلة خالة ساعة وحدة سودة بس كل الأيام ان أشاء الله بيضة وحلوة وطيبة وسعادة

[منازار]

وعليكم السلام والرحمة اخي الفاضل

وعظم الله اجرك


والله دورت هواي وما لكيت ..... طيب هذا اللي عندي ما ينفع؟ يعني الا ذاك؟ :)

[منازار]

تفضل اخي الفاضل هذا البرنامج ربما يكون هو المقصود تظهر لك شاشة سوداء به ويتحول بعد ذلك لنسخة اصلية

حمله من الرابط التالي:

http://www.mediafire.com/?2ydtinmz2x9