الى وطني الحبيب

[علي السعدي المسيباوي]

[align=center]اهنا يمن چنه وچنت جينه اوگفنه ابابك .... ولف الجهل ما ينسي اشمالك نسيت احبابك




اهنا يمن چنه وچنت .... موطنّه راح اتفرهد
يلچمني ظل جرح الوطن .... نزلت دمعتي اعله الخد
دم اخوتي فاض الارض .... واعله الدرب متمدد

كل خاين ابدمك شرك .... گام وفرح بخرابك
اهنا يمن چنه وچنت جينه اوگفنه ابابك

اهنا يمن چنه وچنت .... بابك عليّ لتسدهه
واسمعني والآخر حرف .... رايد جروحي اتشدهه
چنت آنه الك طيبه اوفه .... تاريخ الك خلدهه

تگعد تجازيني ابذبح .... تدفني جوه اترابك

اهنا يمن چنه وچنت جينه اوگفنه ابابك

علي الخطاط [/align]

[عباس الركابي]

[align=center]اخي العزيز علي الخطاط
جميل ما تكتبه لنا وسأجاريك ان شاء الله على هذا الوزن من الشعر الشعبي
واحسنت على كتابة وزن ال ( المجرشة ) [/align]

[align=center]اهنا يمن چنه وچنت جينه اوكفنه ابابك .... ولفي الجهل ما ينسي اشمالك نسيت احبابك

اهنا يمن چنه وچنت .... گلبي ابلهيب النار
مشتاگ والله الكل هلي .... واگعد وزور الجار
لا يمي شئ آني يسر .... شترجه بس تذكار

حبيتك وما عاشرت .... وانته اللي تنسه اصحابك
اهنا يمن چنه وچنت جينه اوگفنه ابابك


اهنا يمن چنه وچنت .... رايد اروح وياك
ورويحتي صدگ بعد .... ما تگدر بلياك
ولفي تظل طول العمر .... ما لحضه راح انساك

يا صاحبي دحچي العدل .... منهو العليه جابك
اهنا يمن چنه وچنت جينه اوگفنه ابابك [/align]

[align=center]الشكر الجزيل للاخ علي الخطاط على كتابة هذا النوع من انواع الشعر الشعبي

تحياتي وارجو الاستمرار

عباس الركابي [/align]

[علي السعدي المسيباوي]

[align=center]احسنت اخ عباس على المجاراة بكتابة المجرشه

وارجو الاستمرار

اهنا يمن چنه وچنت .... تدري البعد مرمرني
وبحبك آنه شگد همت .... وعشگك تره اسّرني
تدري بريحلك من رحت .... ريح الوكت وذرّني

لاچن اظل اعله العهد .... لو كثرتلي اعتابك
اهنا يمن چنه وچنت .... جينه اوگفنه ابابك


اهنا يمن چنه وچنت .... كافي الزعل يا غالي
اعليمن تركت ارويحتي .... ماظن بعد تحلالي
صدّگ يعيني من الجفه .... يحچي الشعر وامثالي

وردينه من بان وبنت .... نرجع نشم ترابك
اهنا يمن چنه وچنت .... جينه اوگفنه ابابك

تحياتي علي الخطاط [/align]

[خضير المسيباوي]

[align=center]السلام عليكم اخوتي الخطاط والركابي
وهاي مشاركة على السريع احببت ان اجاريكم
ارجو ان اوفق بالكتابة

اهنا يمن جنه وجنت ..................... عاش الوطن وترابه
ونضحي اله طول العمر ................ ونقره الدرس بكتابه
وشما عمل بينه الوكت .................. نرجع الك بحسابه

لن انته اصلي وموطني ................. اتحمل آنه اعتابك
اهنا يمن جنه وجنت ..................... جينه اوكفنه ابابك


اهنا يمن جنه وجنت .................. كتلتني هاي الغربه
يبجي النخل دم الدمع ................. لو منه وكعت كربه
شلون جا هذا البشر ................ يفكد عزيزه وحبه

متعلعل بارض الغرب ............. وانته التون بحرابك
اهنا يمن جنه وجنت ............... جينه اوكفنه ابابك

عاشت ايدك اخ علي الخطاط
وعاشت يد الاخ الركابي علي الكتابة

اجمل ابتسامة اهديها لعيون الجميع

المسيباوي [/align]

[علي السعدي المسيباوي]

مشكورين اخوتي عاشت ايدكم
ننتظر كتاباتكم وابداعاتكم الشعرية

سلامي وتحياتي لكم

اخوكم علي الخطاط

[خادمة الزهراء]

[align=center]علي الخطاط
رائعه كل مواضعك
دمت بتألق دائم
وأسمحو لي بالمشاركة معكم ومع الاخ عباس الركابي والاخ خضير المسيباوي

اهنا يمن چنه وچنت جينه اوكفنه ابابك .... ولفي الجهل ما ينسي اشمالك نسيت احبابك
اهنا يمن چنه وچنت ........... للوطن يمته نرجع
ونسولف علينه .......... الجره وانت يارتك تسمع
بالغربه مل منا الصبر ......... ياموطني بسك دمع

حنيت الك ياموطني ........... يمته يالهي انرد الك
اهنا يمن چنه وچنت جينه اوكفنه ابابك .... ولفي الجهل ما ينسي اشمالك نسيت احبابك


اهنا يمن چنه وچنت ............ مل الدمع من عدنا
وغير الفراك اشحصلت ......... والوطن مبعد عنا
ربي يالهي وشوكت ............. الحزن نخلص منا

متمرمره آنه وعلتي ........... لن طيبتي من طيبتك

اهنا يمن چنه وچنت جينه اوكفنه ابابك .... ولفي الجهل ما ينسي اشمالك نسيت احبابك


اتمنى أن تكون مجاراتي معكم حلوه وتعجبكم
ومابيها أي غلط مطبعي :)
وذا اكو خبرونا بيه ومنكم نستفيد ونتعلم
أختكم
خادمة الزهراء [/align]

[zaynab]

علي الخطاط احسنت اخ عباس على المجاراة بكتابة المجرشه

وارجو الاستمرار

اهنا يمن چنه وچنت .... تدري البعد مرمرني
وبحبك آنه شگد همت .... وعشگك تره اسّرني
تدري بريحلك من رحت .... ريح الوكت وذرّني

لاچن اظل اعله العهد .... لو كثرتلي اعتابك
اهنا يمن چنه وچنت .... جينه اوگفنه ابابك


اهنا يمن چنه وچنت .... كافي الزعل يا غالي
اعليمن تركت ارويحتي .... ماظن بعد تحلالي
صدّگ يعيني من الجفه .... يحچي الشعر وامثالي

وردينه من بان وبنت .... نرجع نشم ترابك
اهنا يمن چنه وچنت .... جينه اوگفنه ابابك

تحياتي علي الخطاط

الاخت خادمة الزهراء(اسمج كلش طويل عزيزتي ) عشت وسلمت انت والاخوه علي و خضير وعباس .

[علي السعدي المسيباوي]

الاخت خادمة الزهراء(اسمج كلش طويل عزيزتي ) عشت وسلمت انت والاخوه علي و خضير وعباس .

؟ ؟


السلام عليكم

[zaynab]

اهنا يمن چنه وچنت .... تدري البعد مرمرني
وبحبك آنه شگد همت .... وعشگك تره اسّرني
تدري بريحلك من رحت .... ريح الوكت وذرّني

لاچن اظل اعله العهد .... لو كثرتلي اعتابك
اهنا يمن چنه وچنت .... جينه اوگفنه ابابك


اهنا يمن چنه وچنت .... كافي الزعل يا غالي
اعليمن تركت ارويحتي .... ماظن بعد تحلالي
صدّگ يعيني من الجفه .... يحچي الشعر وامثالي

وردينه من بان وبنت .... نرجع نشم ترابك
اهنا يمن چنه وچنت .... جينه اوگفنه ابابك

تحياتي علي الخطاط

الاخ علي عشت ماأجمل ماكتبته سلمت يدك

؟ ؟


السلام عليكم

وعليكم السلام
أسفه حصل التباس بالموضوع:icon_redf

[علي السعدي المسيباوي]

[align=center]علي الخطاط
رائعه كل مواضعك
دمت بتألق دائم
وأسمحو لي بالمشاركة معكم ومع الاخ عباس الركابي والاخ خضير المسيباوي

اهنا يمن چنه وچنت جينه اوكفنه ابابك .... ولفي الجهل ما ينسي اشمالك نسيت احبابك
اهنا يمن چنه وچنت ........... للوطن يمته نرجع
ونسولف علينه .......... الجره وانت يارتك تسمع
بالغربه مل منا الصبر ......... ياموطني بسك دمع

حنيت الك ياموطني ........... يمته يالهي انرد الك
اهنا يمن چنه وچنت جينه اوكفنه ابابك .... ولفي الجهل ما ينسي اشمالك نسيت احبابك


اهنا يمن چنه وچنت ............ مل الدمع من عدنا
وغير الفراك اشحصلت ......... والوطن مبعد عنا
ربي يالهي وشوكت ............. الحزن نخلص منا

متمرمره آنه وعلتي ........... لن طيبتي من طيبتك

اهنا يمن چنه وچنت جينه اوكفنه ابابك .... ولفي الجهل ما ينسي اشمالك نسيت احبابك


اتمنى أن تكون مجاراتي معكم حلوه وتعجبكم
ومابيها أي غلط مطبعي :)
وذا اكو خبرونا بيه ومنكم نستفيد ونتعلم
أختكم
خادمة الزهراء [/align]

ماشاء الله موضوعج راقي اختي بس شويه خلل بالوزن
وحياج الله ننتظر منك المزيد من كتاباتك الرائعة

شكرا لك اختي

تحياتي علي الخطاط

[ابو رضا السماوي]

مجاراة كلش حلوة عاشت ايديكم
علي وعباس وخضير والاخت الفاضلة خادمة الزهرة


تقبلوا تحياتي لكم

لااقطع عليكم المجاراة بابيات بل ابقى اقرا لكم

[علي السعدي المسيباوي]

حبيبي ابو رضا السلام عليكم
كل مقاطعه ماكو اغاتي
ارجو ان تشارك ويانه بشعرك العذب

تحياتي
اخوك علي