دموع على بوابة الوطن <<<مكتوبة ومسموعة>>>
[media]http://www.ammar71.com/me.MP3[/media]
[align=center]مكشوفه القضيه ونعرف شتردون ماتحتاج كعده نسولف ونشرح
ضباط الامن لبست هدوم الدين تصعد عل منابر تخطب وتنصح
واعضاء الفرق شكلوا هيئه موت مابين السماجد تسرح وتمرح
بلاذرة خجل تطلع عل الشاشات باليقتل اهلنه تمجد وتمدح
نطاير جثث ونغطي وجه الكاع وبدمنه اليسيل قلوبكم تفرح
ماينفع وياكم كل الشي النسويه صلفين الوجه وعيونكم وكح
بالشر والغدر والكره معجونين واحقاد وخبث ارواحكم تنضح
من يوم السقيفه لحد سقوط صدام بينه بلاجريمه سيوفكم تذبح
تجارتكم حكم والقمع راس المال تخسر بالعداله وبالظلم تربح
صار الوطن الكم جنة الفردوس وصار لنه سجون ومحرقه ومذبح
وبخير الجنوب تنعميتوا سنين وبنيتوا القصور بكل قصر مسبح
واحنه المايموت بحرب لو اعدام يقضيها بصريفه محزم ويكدح
لاتقره كتابه مزور التاريخ بفلوس الطغاة نكتب وتنقح
تاريخ الحقيقه نترس دم وقبور من شيعة على بكل صفحه نتصفح
لاتلجم حزنه جروحنا مخزنات بارود وغضب كتال من يجدح
خاوينه التفك من كثرة النكبات حتى البلمهد مهموم ومسلح
ونسامح ونسكت لكن من تصير بحبال المنايا نكوم نتمرجح
نقلبها قلاب وداعة العباس ونخلي الفشك بزمورهن يجدح
اذا فزعت الشطره وطالبت بالثار يشك ثوبه ويهد وياها المشرح
ابو زيدون الوائلي [/align]
رد مع اقتباس
