اليوم عاجبني اطبخ ثريد الباقلاء (تشريب باجلا )

[خادمة الزهراء]

ثريد الباقلاء (تشريب باجلا)

اكلة عراقية يختص بها اهل الجنوب وخصوصا محافظة بابل العراقية
المقادير:
باقلاء يابسة منقوعة بالماء خلال الليل
ملح
بصل (اما مقطع شرائح ويؤكل مع الثريد او مفروم ويحمس بالدهن)
زيت اوسمنة (2 ملعقة كبيرة)
خبز تنور من وين ياحصرة خبز التنور انجيبة
خلي نرجع للمقاديررررررر وين وصلنا وصلنا .
لليمون او نارنج هم من وين ياحصرة ( النارنج هي فاكهة حامضة تشبه اليوسفي ولكن القشرالخارجي اسمك نوعا ما هذا الشرح مو للعراقين :D:: تزرع كثيرا في العراق وكل البيوت العراقية تتوفر لديهم في الحديقة )
طماطم مقطعة شرائح
بطنج يابس ملعقة واحدة البطنج مثل النعناع .
الطريقة :
بعد ان تم تنقيع الباقلاء خلال الليل يتم سلق الباقلاء مع ماء النقع حتى النضوج .
وبعد فترة زمنية معينة مدتها 5 ساعات او اكثر حيل هواي وقت احسن شي استعمال جدر الضغط ثم تصفين الباقلاء وتحتفظين بماء السلق ثم تبدأين بالطريقة :
يسخن ماء نقع الباقلاء على النار .
وفي قدر او طاوة على النار تضعين السمنة او الزيت وتحمرين الباقلاء واذا تحبين تستطيعين تحمير البصل المفروم اولا ومن ثم الباقلاء المقشرة والمسلوقة مع اضافة الملح وتقلب لمدة 1 دقيقة ونصف .
في جاط يعني صحن عميق تضعين الخبز المقطع الى قطع متوسطة ومن ثم تضعين ماء السلق الساخن على الخبز وتغمريه به
ثم تضعين الباقلاء المحموسة مع الزيت فوق الخبز واذا كان الزيت قليل ذوبي ملعقة سمنة على النار واضيفيها الى نقيع الباقلاء ثم يرش الجاط بعصير الليمون او النارنج والبطنج .
ويقدم مع الطماطة والخضراوات (معدنوس ونعناع وكراث)

ملاحظة: بعض الاشخاص يضعون بيض مقلي فوق الثريد حلوه هاي كلمة ثريد مو ...وهاي حسب الرغبة

والف عوااااااااافي

[بيان]

ثريد الباقلاء (تشريب باجلا)

اكلة عراقية يختص بها اهل الجنوب وخصوصا محافظة بابل العراقية
المقادير:
باقلاء يابسة منقوعة بالماء خلال الليل ملح
بصل (اما مقطع شرائح ويؤكل مع الثريد او مفروم ويحمس بالدهن)
زيت اوسمنة (2 ملعقة كبيرة)
خبز تنور من وين ياحصرة خبز التنور انجيبة
خلي نرجع للمقاديررررررر وين وصلنا وصلنا .
لليمون او نارنج هم من وين ياحصرة ( النارنج هي فاكهة حامضة تشبه اليوسفي ولكن القشرالخارجي اسمك نوعا ما هذا الشرح مو للعراقين :D:: تزرع كثيرا في العراق وكل البيوت العراقية تتوفر لديهم في الحديقة )
طماطم مقطعة شرائح
بطنج يابس ملعقة واحدة البطنج مثل النعناع .
الطريقة :
بعد ان تم تنقيع الباقلاء خلال الليل يتم سلق الباقلاء مع ماء النقع حتى النضوج .
وبعد فترة زمنية معينة مدتها 5 ساعات او اكثر حيل هواي وقت احسن شي استعمال جدر الضغط ثم تصفين الباقلاء وتحتفظين بماء السلق ثم تبدأين بالطريقة :
يسخن ماء نقع الباقلاء على النار .
وفي قدر او طاوة على النار تضعين السمنة او الزيت وتحمرين الباقلاء واذا تحبين تستطيعين تحمير البصل المفروم اولا ومن ثم الباقلاء المقشرة والمسلوقة مع اضافة الملح وتقلب لمدة 1 دقيقة ونصف .
في جاط يعني صحن عميق تضعين الخبز المقطع الى قطع متوسطة ومن ثم تضعين ماء السلق الساخن على الخبز وتغمريه به
ثم تضعين الباقلاء المحموسة مع الزيت فوق الخبز واذا كان الزيت قليل ذوبي ملعقة سمنة على النار واضيفيها الى نقيع الباقلاء ثم يرش الجاط بعصير الليمون او النارنج والبطنج .
ويقدم مع الطماطة والخضراوات (معدنوس ونعناع وكراث)

ملاحظة: بعض الاشخاص يضعون بيض مقلي فوق الثريد حلوه هاي كلمة ثريد مو ...وهاي حسب الرغبة

والف عوااااااااافي

شكرررا اختنا خادمة الزهراء متعبة روحكِ والله عاشت يديكِ
منين ياحصرة مرتي المصرية تقبل تسوي هاي السوالف ذابحتني بالفول وداعتج

بس اختي سويتيها كلها حصرة علينا لاخبز لا ليمون لانارنج وين عايشين
بعدين شنهي سالفة الجاط وشلون نرش على الجاط ليمون وبطنج
بعدين ليش نقع الباقلاء بالليل يعني اذا نقعناها بالنهار تخرب ماتنوكل

[خادمة الزهراء]

شكرررا اختنا خادمة الزهراء متعبة روحكِ والله عاشت يديكِ
منين ياحصرة مرتي المصرية تقبل تسوي هاي السوالف ذابحتني بالفول وداعتج

بس اختي سويتيها كلها حصرة علينا لاخبز لا ليمون لانارنج وين عايشين
بعدين شنهي سالفة الجاط وشلون نرش على الجاط ليمون وبطنج
بعدين ليش نقع الباقلاء بالليل يعني اذا نقعناها بالنهار تخرب ماتنوكل

تعبكم راحة خوية بيان وشكراً على هذا التعليق الحلوووووو
بيان ترى الفول والباجلا اذا مو عرف ...ولدعم =)
حصرة لأن نوبات ما تتوفر هاي المواد :) وسالفة الجاط هذا ماعون عميق مو شنسوي انخبطت لهجتنه هسه انت يمكن هم عندك بعض الكلمات المصرية مو كلت فول :D:: الجاط مثل الفول وحدة بوحدة ...يعني ترش الموعون بالبطنج وهو فارغ وبعدين اتخلي الثريد والله عاجبتني هاي كلمة ثريد :D::
ماكو فرق اذا باليل او بنهار ماتخرب البقلاء اقصد الفول على كولت أخ بيان أن شاء الله الصورة وضحت عندك واذا مرتك ما تسوي هاي السوالف سوية انت ترى سهله والوصفة يمك وأحنا بالخدمة .
تقبل تحياتي .

[دجلة الخير]

هلا بخادمة الزهراء
عاشت ايدج عالباقلاء
بس بالشتاء اطيب تصير
منا ورايح رمضان جاي بخير وسلامة ، هالله هالله بالطبخ ترا رواد الحوار العام بسرعة يجوعون تعرفين بعد نقاشات حامية وريقهم يابس =)كثرولنا الشوربات الله يخليكم
تحياتي لكِ

[خادمة الزهراء]

نورتينا هلا والله أم محمد شلونج
صح اطيب بالشتاء بس مو كلت أني عاجبني اسوي ثريد :D::
اي والله خطية رواد الحوار العام شلون بيهم لو اجه شهر رمضان يمكن بالتواثي ايصيرررررررر النقاش بس لو اعرف على شنو حركة الأعصاب ويه النقاش يلا احنا العراقين دمنا حامي الله ايساعدهم على النقاش وعلى شهر رمضان . خلينا بالثريد احنا معلينه بيهم =)

[هناء العراق]

هلا بخادمة الزهراء
عاشت ايدج عالباقلاء
بس بالشتاء اطيب تصير
منا ورايح رمضان جاي بخير وسلامة ، هالله هالله بالطبخ ترا رواد الحوار العام بسرعة يجوعون تعرفين بعد نقاشات حامية وريقهم يابس =)كثرولنا الشوربات الله يخليكم
تحياتي لكِ

عزيزتي خادمة الزهراء

تحياتي لك و ألف شكر عالطبخة الحلوة

و فعلا أهل الجنوب مشهورين بيها

وانا مثل أم محمد العزيزة أحب الشوربات العراقية بالذات
كثروا حق رمضان
بس والله جوعتيني الآن؟

[ابو علي]

اذا رت الكرم غرب على الحله***خبز شعير ومنكع بالكَله

[خادمة الزهراء]

اذا رت الكرم غرب على الحله***خبز شعير ومنكع بالكَله

حيا الله اخونا ابو علي
والله خوية العراق وأهله كلهم اهل طيب وكرم وجود ومحبة .
شكراً جزيلاً على هذا الشعر .. الي اضاف الى اكلتنا طعم اخر وهذا ان دل على شي فهو يدل على كرم العراقين في كل المجالات .
تحياتي للجميع .