شكوى الى المختار
[align=center]شكوى الى المختار
أريدن أ گصد ألمختار واتعنة على بابة وأسچب العبرة
واگلة يا رسول الله گوم انظر بعينك شوف شصار وجرة على العترة
يوم ألغمظت عيونك رگظوا صابو ألزهرة
وبمحراب بيت الله طاح الولي وية ألطبرة
ردوا عألحسن سموه چبدة يطلعة من ثغرة
أنهض للطفوف وشوف أبو اليمة وعظم صبرة
ورضيعة يرفرف ومصيوب چالطير التگض جناحة وتكسرة
وذريتة ذبح وسموم عليهة توالت الزمرة
واخبرك يا رسول ألله وادريبك تشك بگلبك ألحسرة
شيعة حيدر ألكرار عليهة ألزمن دولابة يدور وما وگف فرة
جريمتهم محبتكم جمرة تجر بأثر جمرة
أبشرك يا رسول الله نهض شبلك وسط كوفان
وعروش ألطغاة أهتزت بأمرة
رابي بحظن حامي ألجار شرب علمة على ألفطرة
بحر وألبحر كلة أسرار منهو اليكتشف سرة
محيط وبيه عالي ألموج وشحدهة ألمعاصي تعبرة وتطرة
وارث غيرة ألعباس ويشبه للحسين بمبدئة وفكرة
صدر وتخيل الميمون ولازم ذو ألفقار بچفة ويفرة
أعذرني يا نور الله ما أگدر اوصفلك شكلهة ألفاجعة المرة
عليه التمت الصوبين كل همهة تريد توگعة عالغبرة
يوم ألي وگع مصيوب ضل يبجي عليه ألعالم بكبرة
وناس الوگفت بوجههة وذبت كل حقدهة تشتمة وتشهرة
تغني بغرحة مخفية گصدهة تتاجر بنحرة
وأحبابة صفوا طشار تدري بكل بلد وذرة
وتحملك رسالة عتب للمهدي كسرهة هوة اليجبرة
تسولف وبگلب ملچوم لسان ألحال أهو يفجرة
حزب ألبعث ولة وراح تولتهة لصوص يهود وألزمرة
من يزيد لعد يزيد وألحگ ضاع بألمرة
بأسم حسين تهتف هالخلك مولاي وعلى دربة تگول العمر تسيرة
لجن يوم ألحشر مولاي تدري حسين من كل عوج يتبرة
شيعتكم يا مهدينة صفت عالارض متطشرة
مثل غيمة بأراضي البور وانشدك بالله شيلمهة
لون تگطر تضل گطرة بأثر گطرة
تضل نقسم عليك بكل وكت مولاي
بحك ظلع الزچية الطاهرة الزهرة
وتنشدك وألدمع همال سيفك ما خلص صبرة
حيدرالسماوي
2005[/align]
رد مع اقتباس
