اهلاً بيچ وحیاچ الله

[maryam]

[frame="9 80"]اهلاً بيچ وحیاچ الله * بیتچ هذا ولا تخجلين

مو خطّار إنتِ إحنه إضيوفچ * عد عيناچ إنتِ إتأمرين

حبيتچ من أول نظره * من سلمتي إبطرف العين

مدّيت إيدي وصافحتيني * وهاي أول مرّه إتصدكَين

كَبلچ ما صافحت إبنيه * أخجل وآنه إبن العشرين

أمشي مدنّكَ ما أعرف أحچي * وتعدت من عمري إسنين

ومن شفتچ كبرت شخصيتي * ونشفتيلي إدموع العين

عملتيني إشلون العشره * وعرفت الزين إمن الشين

كَمت اقره إسمچ وأتهجه إسمي * وافهم حچیچ من تحچین

شفتچ بس إنتِ بقاموسي * بس إنتِ وما أريد إثنين

كَلبي وياچ إيروح وعيني * إتظل إتابع من تمشين

أحسب خطواتچ بالشارع * وأتنطر يمته إتعودين

مو سجّاده أفرشلچ كَلبي * غالي ويرخص للحلوين

ولو ردتي إتنامين عيوني * أفرشهن حته إتنامين

إحروف إسمچ صارت عنواني * ولوما إنتِ آني إمنين

يا بت إبلادي أحلف بسمچ * وبريحة أهلي الطيبين

إيلوكَ إعليچ الشعر الأسود * شارب من ماي النهرين

يم إخدود السمره الحلوه * صدكَيني الأشكَر مو زين

خل تولي أم شعر الأشكَر * ما تعرف دنيه ولا دين

شفنه الشكَره وجربناهه * إودعنه القرن العشرين

وآنه أشهد والحكَ ميزعل * إنتِ أجمل ورده إتظلين


الموسوية [/frame]

[الكميت]

منقول00000
[align=center]ارد اكلك واستحي لو ردت اكلك
داده احبك داده والعباس احبك
داده موكلبي تفطر
وانت تدري شكد اودك
جنت اكول بدرب واحد دوم نمشي
تالي ليش يتيه دربي وتاه دربك
ومره اجيت بلهفه اكلك
وحرت مدري شكلك
ارجوا سامحني حبيبي
والذنب يفلان ذنبك
ارجوا تخبرني حبيبي
من تجي فد يوم لهلك
حتى اجيك بلهفة مفارك حبيبه
وبايدي اشبكك
ريت كل ذيج الولايه تروح فدوه
لنكله من نكلات جدمك [/align]

[maryam]

الله عاشت ايدك


كلمات جدا روعة والاروع ايدك الكتبتة

[الكميت]

اخجلتم تواضعنا وبالخدمه وممنون

[maryam]

شكرا جزيلا شعر كولش جميل

[ام عباس]

حياج الله اختي العزيزة مريم
وسلمت يداك على هل الشعر الحلو

تحياتي

[maryam]

تسلمين اعيوني انتي