يكاظم باكوا الديره

[سيد محسن الشطري]

الى الاخوه والاخوات الاعضاء ,السلام عليكم ورحمة الله وبركاته.تلك القصيده في الشعر الشعبي كتبتها بعد ان عدت الى الوطن الحبيب بعد فراق 15عاما فوجدته مرهونا بيد المتحالفين والتكفيريين والزرقاويين,ووجدت الكثير من ابنائه قد امتهنوا الرشوة والتسليب ويا اسفاه فهل سيعود العراق كما كان ,وهل سيعود صديق طفولتي كاظم الذي رحل هو الاخر.
يكاظم تهت من رديت
يمكن باكوا الديره...
يكاظم للالكيت الدار..
لابستان اهلنه..ولانواعيره
ولاذاك المضيف الجان يضحك
لون من ابعيد يتمايز خطاطيره
انطفت ناره..وبعد مافاحت ادلاله
وصفه بين الجموع احجايته ازغيره
ولاذاك النخل شاخص..
يحن لو هب شمال ويحتضن طيره
ولكيت الشط شحيح
ويرتجي امن الغيث يمته اتهل تباشيره
وشفت هيمه يكاظم..تمشي بيه اشباح
ومتيه الدروب وزاده الحيره
وشفت شمعه الوطن
بس ذابت امن الغيظ
يصرخ باعله صوته..انباكت الغيره
الوطن يعتب يكاظم..مغظب وزعلان
من باعوا هله...وباكو نواطيره
** ** **
الوطن ذمه يكاظم...يستغيث اليوم
واحنه اسباع جنه ونحفظ الذمه
الوطن كثرن اجروحه
وكله تنهش بيه
واشرار الخليقه اعليه ملتمه
بين ابن الزنه..وبين النجس مرهون
الكل منهم عايه يتنافظ ابسمه
دكوم وايدي بيدك خل نردله الروح
ونضمد اجروحه..ونجلي الهمه
اووحكك ابد مامندوم
زلمه اليغسل اتراب الوطن دمه
دكوم امطشر اعراقك
يكاظم...ياهو اليلمه...

[ميثاق الهلالي]

اووحكك ابد مامندوم
زلمه اليغسل اتراب الوطن دمه
دكوم امطشر اعراقك
يكاظم...ياهو اليلمه...

-----------

الله الله

كنت قرأتها لك في جمعية الشعراء الجيران كانت رائعه

كانت معاناة حقيقة

ابدعت واجدت

كنت متمكنا منها

ولكن سيدي سيعود العراق

بأذن الله

سيعود رغما عن انوفهم جميعا


ميثاق

[سيد محسن الشطري]

شكرا عزيزي ميثاق على اطرائك الجميل ونسال الله تعالى ان يعود العراق كما نتمناه بايدي الخيرين ,وتقبل سلامي.

[منازار]

وعليكم السلام ورحمة الله وبركاته

اخي ايه والله هاي الواقع،،، مثلته بقصيدتك الرائعة ،،،

قبل اعمار العراق علينا باعمار النفوس ...

ولكن لا يخلو العراق من اهلنا المخلصين والذين نترجى منهم كل الخير والسعي لاصلاح وبناء العراق المحطم.



نحن باتظار ابداعاتكم

[سيد محسن الشطري]

الاخت الكريمه منازار,كرما منك ان مررتي وقرئتي ماكتبت,وانا مثلك كلي امل ان يعود ابناء وطننا كما عهدناهم اوفياء مخلصين لنبني عراقنا يدا بيد.