[align=center]بسم الله الرحمن الرحيم

السلام عليكم ورحمة الله وبركاته
,
,
,
,
,
,
,
,
,
,

,

كَمر يمكن سهر واليل يتبختر

بست خد القوافي ولا ذع اتعثر

اذم روحي على روحچ لشعر مكدر

تعثرت بمجاني ورظيت بحبر على دفتر

خجل لو خاف كَلبي يمكن اتكسر

يسموني اهل الشعر ميخالف ابقشمر

ونتِ سميني على هونچ لو صرت نعثر

هذى انا الآسولف طلكَت كل شر

حجيت وي القلم شنوصف العنبر

فلكَ طر القلم مايكتب اتعذر

ترجيت الشعر وتلولح امسفر

على ايام الطفوله بظحكَتچ نكَبر

نفخت بروحي وترجاج مو مظطر

وبوسن ايدچ من الواحد تحظر

يكَولون الجسم بلموت يتفستر

وروحكَ تنوح على الجسم تفتر

وانا جيت امقدم التابوت للمنحر

ونوحي يروحي الموت جاج احمر

ونكتب انا وياج للحلوه نظل نسهر

جميله وبل وصف حنطه وبعد تسمر

عراقيه ام خاطرالمكَسور تچبر

نسولف عن كَصايبهة شبچ صايود ومحير

لو على خدود الحنينه الكَيمر اجير

لو على الكَصه مكَعب كيكَ يطشر

لو على الشفه رطب خستاوي ومحمر

لو على الشامه شمع بليل تظوي اكَمر

لو على الركَبه كَلايد منحر اتخطر

لو على عيون التلمنه وبرمش نستر

لو على الدمعه تسيل وبيهة اريد اسكر

لو على ريحة هيل وسط الجاي تتخدر

لو على صدر ملعب لطفل تفاح ومعطر

امعطر شلب مشخاف بعد اخضر

عطر ريحان بچويرد وبتموز يتكَطر

على الشفه سحور ولليصوم افطر

قسم اقسم نبع صافي يدر كَوثر

تحت رچليج ربچ كَالهة وبل قرأن تتكَبر

حقكَ من علينه اشلون ماتنغر

انت احلى من الذهب والذهب ماي اصفر

ومن تصفرالحلوه ذهبنه يغار يدثر

نصلي على النبي لانكَسر المرمر

حاسوداليشوفچ عين وتنطعن خنچر

اظربي الروح هم اربح وما اخسر

خسرت اسنين يابو اسنين وانا ابحر

طبع سمچه عليج من اطلع اتوذر

خبز حار بحلكَ تنور كَرصه افتر

افتر اتانيج بركَن حينه اچل عصفورلوطنكَر

تمر حلوه بكَصايبهة بيض وبيهن امشجر

يرفن بلهوى حليوات ورچلين تتعثر

اسم الله عليچ وزهره تتنشر

ترفعي الكَذله شوفيني من الخجل اصفر

خوف ومستحه وشجره بخچل تخضر

كَبرنه وعوظ الله وهسه نذكَر

حنانج والجمال السومري ثوب ولابس اتمطر

على الكَاع العشبهة يتفصل ويتخظر

انا بغربه وحن ليام الطفوله وبيهن اتحسر

الاوي الريح وتنخه بسم عليه النشم ينطر

وعلى امتوني مواظع شلتچ اتعثر

وبعد يا روحي حظري البخت دكَ هنكَر

حظري البخت دكَ هنكَر

الحسيني [/align]