عين القلق
[align=center]
السلام عليكم ورحمة الله وبركاته
عين القلق
*******
من عين القلق ابجيلك اولايات
بالعهه الحزن تمثال من شلته
على الظيم اللبس دشداشه ما تراف
ومبينه العيوب البيه فاضحته
من كثر الذبح سجينه بيه اتبيج
والسفان صافن خلسته السكته
المطر ينزل مطر يندار وجه الكاع
ويبدل الثوب الكبل لابسته
اوهاي اسنين مرن والوطن مثلوم
يابخت الحكومه انصيح ثالمته
وانت يابشر مكلوب كلي اشبيك
جبت الموت بيدك وانه بسمرته
نزيف الدم عبر نهر الدمع مذبوح
يتوجه اعله روحه الغيره ماخذته
كالنه الوطن مو بيه بس نهرين
اجروحي اعله الخريطه الوطن صابغته
حط جفه العراق اشكبره جف الخير
طلع جوعان ابنه الغرب ماكلته
تسلمنه الحرب لعابه بيد اطفال
كبرت وي عمرنه الفرح بايكته
مثل عمر الدجاج اعمارنه من انموت
اذا مو بالذبح بجفوف خانكتــــــــــه
خلصنه اوظل علينه العيد بس يفوت
يحزن من يمرنه البجيه حاصرنه
اذكر ياوطن من جان ابو ي يكول
ذاكرتي من امس لليوم حافظته
الوطن عصابة امك يبني خاف اطيح
مدروحك جسر وجاوز الصنته
الجبل باقي ابمجانه ما تغير يوم
موش ابكل مجان الكاع شايلته
اثبت لاتهزك فشخة المصدوم
يوجر بيك باول تالي فاشخته
اوفتش اعيونك من يمرهه الليل
اعيونك من تصومه الصبح فاطرته
خلص كلبي بعد ما يحمل التشطيب
جرح وحلوك صبره ابشوك شاربته
اخافن باجر عكس مونفس هذا اليوم
وصبح للخلك بحلوكهم نكته
****************
سالم الحمداني [/align]
رد مع اقتباس
