حوارية بين سكينه والامام العباس عليه السلام

[علي السعدي المسيباوي]

[frame="10 80"]
قصيدة للشاعر مهدي شبيب ..

حواريه بين سكينه والامام العباس عليهم السلام
لو ادري الماي ايعزيني ........ ماكلفتك يالحساس
ولا خليت حسين ايباوع ........ حاير بچفوف العباس

النـــــــــــــــــــــــــــــــص
ـــــــــــــــــــــــــــــــــــــــــــــ

عباس انهض شوف اخيامك ........ مشتعله وماتطفي النار
ياهو البيهه ايگوم ايطفي ........ شبان وصارت طشار
وين اچفوفك يابو الغيره ........ يل شايل غيرة كرار
عباس انته الهاي الليله ........ مظموم الساعة لقدار

ردتك تگعد واتنسيـــــــني
ادموع الطفل الحرگت عيني
تانيتك عمي اتحــــــاميني
تاليتك مطبور الــــــــــــراس

آنه الوصيتك عطشانه ........ مذبوحه ولاگطرة ماي
ماضنيت ابچفك يوگع ........ يل گطعت اثنين اچلاي
ريت الضربه الكتلت عمي ........ سچين اتگطع بچلاي
شطي اعذار الباچر عمي ........ لو دارت يمك دنياي

يچفوف الماي اتعذريني
آنه الوديتچ تـــــسگيني
ما ادري ابعمي اتباليني
عزيتــــــيني ويه العباس

عمي اسوه ابعيني افراگك ........ وسوّت بيه الايام
راح الكسر ضلعي حسيني ........ راح المتكفل ليتام
راح الچان ايعين اعيـــالي ........ راح الميغمض وينام
راح وظل حسين وحيده ........ والاف الــــهدت ظلام

عباس اگعد شوف حسيني
عمي اگعد واتلاحگ ديني
نايم لو گاعد حـــــاچيني
وين اچفوفك يل نومـــاس

ودعتك شميت اچفوفك ........ ماضنيت اليوم اتروح
ادري وماترجع لعيالك ........ ياعمي وشيفيد النوح
غانم مانزلت الراسك ........ ميهمك من تطّي الروح
مكتوبه وچانت عد حيدر ........ عباس امگطع مطروح

ردتچ يادنيه اتعزيــــني
ماردت ابهاي اتوگعيني
راح الشوف الچان ابعيني
راح اليركض والحســـــــاس

يادنيه اشدلاچ ابسكنه ........ بس آنه اللي عندي اثنين
واحد گصيتيلي اچفوفه ........ والثاني امگطع نــصين
حرمه وظليت بهالحيره ........ متحزمه اوياي اشتردين
ماكفاچ الراس امطبر ........ ماكفاچ اچفوف اثــــــنين

موكافي اعلومچ عوفيني
الياصوب اوين اتوديـــــني
مهضومه اومنهو ايواسيني
بين اچفوف اودم الــــــراس



[move=up][align=center]خادم خدمة الحسين مهدي شبيب المسيباوي[/align][/move]




[blink]نسألكم الدعــــــــــــــــــــــــــــــــــــــــــاء[/blink] [/frame]

[عباس الركابي]

[align=center]الاخ الشاعر المبدع الاستاذ مهدي شبيب حياك الله وعاشت ايدك قصيده جدا رائعه
وشكرا للاخ علي الخطاط لنقلها وتقبلو مروري هنا تحياتي عباس الركابي[/align]

[حفيدة اهل البيت]

مأجورين بهذا المصاب

وبارك الله بك اخي علي الخطاط

تقبل فائق احترامي

[علي السعدي المسيباوي]

[move=up][align=center]الشكر الجزيل للاخ عباس الركابي على المرور هنا تقبل تحياتي
الشكر الجزيل للاخت حفيدة اهل البيت على المرور هنا وتقبلي تحياتي[/align][/move]