بصراحة !!

[ام عباس]

[align=center]


انه بكلبي سوالف ماتلمهه اسطور
وارد احجي بصراحة وياك عل المكشوف
مو طبعي النفاق ولا حجي الوجهين
ولو احجي الصدك مااعرف انه الخوف
تعارفنه وحجينه بطيبة النية
وجرتنه السوالف والحجي معروف
اريدك تفهم المضمون مو كلمن
يدك الباب نوكفله ونمدله اجفوف
ولاكلمن تبسم لو ضحك
النه يصير ابينه مالوف
تره الينظر فصال الثوب
من تفصاله يعرف اصلي لو مريوف
انه الحبيت روحك كبل لاشوفك
وصغتلك بالكلب سجة اعله مد الشوف
وصرت انت الفرح للروح
مثل شوك اليتيم وللفرح ملهوف
تعاندني السطور لو ردت اكتب
ويطوف اسمك غفل مابين الحروف
اصد للروح الكاهه تسولف بيك
ولن رسمك بروحي وبالخيال يطوف
بعيد وعل البعد مجبور
واشوف العين حيرانه بدمع مذروف
لملمت العمر وتعده بيه الريل
وماظنيت جلمة فرحة عيني اتشوف
من شفتك نصبت من الحزن افراح
وبليلي الصبح وية الكمر صار اضيوف
لجن من توعد وتخلف
اظن ليلك فرح وانا بليلي الكمر مخسوف

[/align]

[ابو علي السعيدي]

بِسْمِ اللهِ الْرَّحْمَنِ الرَّحِيِمِ
الَلَّهٌمَّ صَلَِ عَلَىَ مٌحَمَّدْ وَآلِ مُحّمَّدْ الَلَّهٌمَّ صَلَِ عَلَىَ مٌحَمَّدْ وَآلِ مُحّمَّدْ الَلَّهٌمَّ صَلَِ عَلَىَ مٌحَمَّدْ وَآلِ مُحّمَّدْ وعجل فرجهم واهلك اعدائهم
الْسَّلامٌ عَلَيٌكٌمْ وَرَحْمَةٌ الله وَبَرَكَاتٌهٌ
الاخت الفاضله
اام عباس المحترمه
كلمات رائعه اختي ... اتمنى لكم دوام التقدم ومزيد من نتاجاتكم الرائعه
[B]اخوكم
ابو علي السعيدي

[محمد الشاوي]

بسم الله الرحمن الرحيم
الله الله
جميل اختي ام عباس اول مره اقراءه لكي مشاركة
شعبيه وفعلا جميلة ابدع فعلا
تمنياتي لك با التوفيق

[ام عباس]

الاخ ابو علي السعيدي
مرورك اخي اروع من كل الكلمات وتسلم على الرد الجميل

الاخ محمد الشاوي
شرفتني اخي العزيز في صفحتي المتواضعة ونورت الصفحة ولكن يااخي انا لي مشاركات في الشعر الشعبي في منتدى الادب ولكنها قليلة

[lastsea]

تحياتي لك ام عباس

والله كلام جميل وحلو
مع تمنياتي لك بالتقدم والمزيد من الورد يا ورده

[ام عباس]

شكرا على المرور والكلام العطر ياوردة

[اسيرالصمت]

غاليتي ان الابداع يستمد نووره منكم

والسحر عالم انتم رواده000

وللاحساس شواطئ000انتم أهلها00

ودمتي سند للكلمه0000

اسير الصمت000000000000000000000000000000

[سعد الغريب]

خلّصنه العمر رحله ومحطات وحركنه سنينّه بضحكه وملامات
العمر شجره وركهه سنين
من يخلص وطرهه اتطيح هلوركات
سعد

[ام عباس]

الاخ اسير الصمت دمت اخا عزيزا وانرت صفحتي بوجودك المتالق وشكرا على الرد الزاهي كزهو قلمك اللامع في الملتقى الادبي
الاخ سعد الغريب
دمت اخي على المرور وشكرا لك

[جواد المنتفجي]

قسم
جواد المنتفجي
اقسم
بالكلب غيرك ما وصل
منو كلي عكب عينك
يضيفه
وتدري بينه
تره احنه بغير كلبك ما نرغب
لون بيه تصير وداعتك الجنه
ولو متصدك
انشد ذيج الشتلات
الجانن يستحن منك
وانشد كلبي بساعاته ذيج
شراد!! وشتمنه!!
تره بغير كلبك ما نهوه
ولا غيرك يعرفنه
شربنه المايّ من جفك وكلت
اشرب يبعد الروح وتهنه
منو غيرك لون اعطش يرويني
ومقاطع يكولهه من اشتهي واتمنه
اريد احلف على كل ماي بعدك
ما اشربنه
ولون اعطش حتى لو بيه
وحياتك سم لجرعنخ
تره كل ساعه.. سنة تمر.. عليّ كل يوم
يذكرني وحياتك بيه موعدنه
احلف ما أحط بالكلب غيرك
واحلف بعد يفلان
ما أريد قصيده تنكتب
بهاليد وكل بيت ارد احلفنه
اريده بكليبي يا هالناس اظمنه
وغيري ناس يردونه
لاجن بكلبي
عنهم بعيد لاظمنه

[ام عباس]

الاخ جواد المنتفجي
تعجز الكلمات عن وصف ماسطرت يمينك اخي المبدع والمتميز
شكرا لك على تشريفك لصفحتي
تحياتي الاخوية لك

[خادمة الزهراء]

[align=center]


انه بكلبي سوالف ماتلمهه اسطور
وارد احجي بصراحة وياك عل المكشوف
مو طبعي النفاق ولا حجي الوجهين
ولو احجي الصدك مااعرف انه الخوف
تعارفنه وحجينه بطيبة النية
وجرتنه السوالف والحجي معروف
اريدك تفهم المضمون مو كلمن
يدك الباب نوكفله ونمدله اجفوف
ولاكلمن تبسم لو ضحك
النه يصير ابينه مالوف
تره الينظر فصال الثوب
من تفصاله يعرف اصلي لو مريوف
انه الحبيت روحك كبل لاشوفك
وصغتلك بالكلب سجة اعله مد الشوف
وصرت انت الفرح للروح
مثل شوك اليتيم وللفرح ملهوف
تعاندني السطور لو ردت اكتب
ويطوف اسمك غفل مابين الحروف
اصد للروح الكاهه تسولف بيك
ولن رسمك بروحي وبالخيال يطوف
بعيد وعل البعد مجبور
واشوف العين حيرانه بدمع مذروف
لملمت العمر وتعده بيه الريل
وماظنيت جلمة فرحة عيني اتشوف
من شفتك نصبت من الحزن افراح
وبليلي الصبح وية الكمر صار اضيوف
لجن من توعد وتخلف
اظن ليلك فرح وانا بليلي الكمر مخسوف

[/align]

[align=center]أختي أم عباس
لكونها بصراحه
اسمحيلي بهذه المداخلة
اجيت آنه ارد اسولفلك من بعدك عليه اشصار
ما اعرف طعم لليلي ودمعي من الفراك انهار
*****
اجيت وآنه متعطّشه مثل شتله التريد الماي

اجيت واحمل جروحي كلت بلجي تشيل وياي

ولك عندي سوالف ما تلمها اسطور والله هواي

أنت اللي قفلت الباب وأنت سبب كل الصار

*****
بصراحه
هيجتي المواجع خيتي :) تسلمين
جميل شعرك فعلا فلا تبخلي علينا خصوصا بالشعر الشعبي

تحياتي [/align]

[ام عباس]

عاشت ايدك اختي العزيزة خادمة الزهراء كلمات رائعة جدا تسري في الوجدان كسريان الدم في القلب

الله يبعد عنك المواجع اختي الغالية وشكرا لتشريفك صفحتي

اختك ام عباس

[النورس الجريح]

الاخت العزيزة ام عباس ...لا يسعني الا ان اشد على يدك واتمنى لك العطاء في مسيرة الشعر لكني احب ان انوه لك عن بعض الاشواك الموجودة في طريق قصيدتك قاصدا ان تبقى طريق شعرك ورودا وآس انشاء الله وارجوا ان لا تزعلي مني ويبقى(احب اصدقائي من اهدى الي عيوبي) حاشاك الله من العيوب.
ولكن يوجد في قصيدتك زحف في البيت(ولا كلمن تبسم لو ضحك النة يصير ابينة مالوف) هنا يوجد زحف كبير جدا اخل بالوزن والمعنى وكذلك البيت(اظن ليلك فرح وانا بليلي الكمر مخسوف) ارجوا ان لا تزعلي وانا ممنون لك وللاخوان

[خادمة الزهراء]

الاخت العزيزة ام عباس ...لا يسعني الا ان اشد على يدك واتمنى لك العطاء في مسيرة الشعر لكني احب ان انوه لك عن بعض الاشواك الموجودة في طريق قصيدتك قاصدا ان تبقى طريق شعرك ورودا وآس انشاء الله وارجوا ان لا تزعلي مني ويبقى(احب اصدقائي من اهدى الي عيوبي) حاشاك الله من العيوب.
ولكن يوجد في قصيدتك زحف في البيت(ولا كلمن تبسم لو ضحك النة يصير ابينة مالوف) هنا يوجد زحف كبير جدا اخل بالوزن والمعنى وكذلك البيت(اظن ليلك فرح وانا بليلي الكمر مخسوف) ارجوا ان لا تزعلي وانا ممنون لك وللاخوان

السلام عليكم
اذا تسمح ام عباس
اضيف شيء للبيتين اللذين قال عنهم الاخ النورس يوجد فيهم زحف وأنا لاارى هذا الزحف لأني مبتدئه في كتابة الشعر الشعبي ...
ولا اقصد التصحيح هنا ...لأن اختنا أم عباس مبدعه بحق ...
يعني ممكن أن يكون البيت الأول هكذا أخي النورس ..
[align=center]ولا كلمن ضحك سنه يصير ابينه مالوف
أما البيت الثاني يكون هكذا
اظن ليلك فرح وآنه الكمر بليلي مخسوف [/align]
هذه المداخله اقصد بها التعلم وأضافة شيء جديد للمعوماتي ..مو تزعلين عزيزتي أم عباس اختج ترى فضوليه ومحبه للشعر الشعبي :)