من كسر ضلع الزهراء هل تعرفهم ؟ شكوى الزهراء

[ابو علي السعيدي]

[poem=font="Simplified Arabic,5,red,bold,normal" bkcolor="green" bkimage="backgrounds/2.gif" border="none,4,gray" type=3 line=0 align=center use=ex num="0,black"]
بسم الله الرحمن الرحيم

السلام عليكم ورحمة الله وبركاته

طلب مني صديق ان اكتب للزهراءفكتبت ليلة البارحه(هديه مني

لتجزيه فاطمة الزهراء)[/poem]

[poem=font="Simplified Arabic,6,blue,bold,normal" bkcolor="skyblue" bkimage="backgrounds/1.gif" border="inset,3,red" type=0 line=0 align=center use=ex num="0,black"]
ألمن نشكي بهدم السور لضلع الزهراء المكسور

من كسروا ضلعچ بالباب نندب وينك يا بو تراب

حكم الظالم والمأجور

الكسرو ضلعچ معروفين تعرفهم كل الاقــــوام

مابيهم من صان العشره ولابيهم صاين ارحام

هذاالموقف كله انذكره من طاح المحسن كل عام

انعزي الکونین ابّضعتنه من گوم الامسوا ظــــــــلام

التاريخ يگول اصحاب وظلع الزهره بيش انصاب

والموقف حتما مشهور

الزهره تندب وتنـــــادي هاي اوصيتي تظل تذكار

لاترحم كل واحد منــــهم وتبايع بس الاحــــــــــرار

ماعدهم ذمه ولارحمه ما صانوا عهد الكـــــــــــرار

خانوا حيدر اول مره وشوف بحال الزهره اشصار

عدنه وياهم احنه احساب ماعدهم غيره وانساب

متطهرهم سبع ابحور

خلينه انصوّر محنتها وايام المرت عالزهــــــره

طاح المحسن يا حالتها چم اه وچم عبره وحسره

تنادي يابويه ومهضومه وبعبرتهه تخاطب گبــره

چتّفت الكرار بعهـــــــــدك واتحمل يامعظم صبـــره

عهدك نعرف بيه اسباب وسرك منطيه للاحباب

والعالم يوميه ايزور

بياحاله امست ام المحسن من عصروهه بباب الـدار

وشلون وجرعت هالقسوه من صوّب چفها البسمار

مسلوبه وممنوعه حگها واحتارت بعد المختــــــار

دارت كل الدنيه عليها وحاطتهه عيون الاشـــرار

عدهه ويانه الزهره اعتاب من تذكر عصرات الباب

ومن تذكر حيدر مجرور

بضعه وچانت يم والدهه وانهضمت حيل بفرگاه

ماغابت عن عينه الزهره لو ما هالموت الوافـاه

انصابت وانهدمت بعده واتمنت بالموت اويـاه

تتبع اثار ارسومــــــه وتشم اهواها من اهواه

جان الهه الريح اللي هاب وشلون الوالد لوغاب

يتهدم ركن المعمور

گالت مااريدن هالدنيــــه وياعمري البعدك لاطال

ابتسمت لمّن سرها بسره من حضرت يمه الاجال

ومن شاف الموقف والدها وعالخد مدمعها اللي سال

گاللهه انتي البعدي بموتي يازهره وختمي الامــــــال

تحسب بالايام احساب وگم جرح البيهه وماطاب

ماعاشت من بعده اشهور[/poem]
[poem=font="Simplified Arabic,7,red,bold,italic" bkcolor="transparent" bkimage="" border="groove,7,blue" type=3 line=0 align=center use=ex num="0,black"]
لخادم اهل البيت

ابو علي السعيدي[/poem]

[AL7USSINE]

الله عليك ابو علي ابدااااااع ..........تحياتي لك

ودمت

[ابو علي السعيدي]

[poem=font="Simplified Arabic,7,red,bold,normal" bkcolor="transparent" bkimage="" border="none,3,green" type=0 line=0 align=center use=ex num="0,black"]
الاخ الفاضل
الحسيني المحترم
شكري وتقديري ..,.لمرورك اخي الكريم
وكلمات الثناء والاطراء الجميل...بلك تحياتي
اخوكم
ابو علي السعيدي[/poem]

[ام عباس]

بارك الله بك اخي ابو علي السعيدي وجزاك خيرا
جعلنا الله واياكم من الموالين لاهل البيت عليهم السلام

اتمنى لك التوفيق

[محمد حسن الشمري]

بارك الله فيك وجعلك ممن تشفع لهم الزهراء

وادعو من الله ان يحفظ محبي اهل البيت جميعا

بحق محمد وال محمد

تقبل مروري

اخوكم محمد الشمري

[صادق ابو حربه]

انا اعتقد ان لا احد كسر ضلع الزهراء ولا محسن سقط
انه لغط في لغط ان >اك الشخص لا يغلط داك الغلط

[ابو علي السعيدي]

[poem=font="Simplified Arabic,6,blue,bold,normal" bkcolor="transparent" bkimage="backgrounds/2.gif" border="none,6,gray" type=0 line=0 align=center use=ex num="0,black"]
بسم الله الرحمن الرحيم
شكرا للاطراء الجميل ... وللمرور الكريم
اخوكم
ابو علي السعيدي[/poem]