الى ام البنين (ع) التي وقفت مع الحسين لااخر ايامه؟ اقول

[ابو علي السعيدي]

[[poem=font="Simplified Arabic,4,red,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]

بسم الله الرحمن الرحيم

السلام عليكم ورحمة الله وبركاته

الى المراءه التي عاشت مع الحسين عليه السلام حتى اخر ايامه( ام البنين)

ليلة البارحه زارتني في منامي وكتبت لها ؟[/poem]

[poem=font="Simplified Arabic,5,blue,normal,normal" bkcolor="white" bkimage="backgrounds/13.gif" border="none,4,gray" type=0 line=0 align=center use=ex num="0,black"]

لا والعتره لا والزهره جينه اليوم انواسي الحره

لاام العباس انواسيهه ونخفف عنه الماذيهه

لا والزهره لا والعتره

ام العباس المعروفه من طينة فخر الاصــلاب

من الوالي قدم خطبتهه عدهه رؤيه بيه اسباب

كالهه يا حره اتبشري يصبحلج اربع احبــاب

اولهم عباس الرايه و اخوانه من داحي الباب

اولاد الحره ندريهه معتمد الكرار عليهه

اولاده ومن صلبه وظهره

ظلت هالحره اتباريهم اولاد الزهره ابفركاهه

اتكلهم يازهرة عمري ياروح الشيعة ومنواهه

انه امكم والخادم اصبح وارضاكم منيه اتمناهه

بدل يالوالي كل اسمي باسم الزهرة لو ناداهه

باسم الاولاد اتسميه ام البنين اتناديهه

سميني لو عدت الكره

عاشت ايام وترعاهم واصبح همـهه ضي العين

وياهم عاشت تخدمهم اولاد الحـره السبطيـن

وبيت الكرار الوالي بيت العتره مجتمعــين

اول درس اللي علمهم شلون اتحافظ عن الدين

شلون الكلمه تحجيهه لو يصبح منكم واليهه

وبالميدان تكون العبره

من حيل الكرار وصبره وايام الحره العاشتــــهه

سهرت لاجل اتصون العشره وانطت كل حبهه وطيبتهه

للعباس ادير العين وجفين احسين الباستـــــــهه

اولادي ونعم الاولاد من صلب العتره نبتــــــهه

نبتهه الوالي ندريهه لهذه المنهج هالشاريهه

والباري من سره بسرهه

الباري الكايل للوالي من الحره انصار احسين

ولو طبوا همه للملعب ينعد واحدهم بالفيـن

اولاد الكرار الواراهم رب العرش ليوم الدين

وكفتهم يبالطف اصفوف يتقدمهم صبي العين

لحسين ارواح ونفديهه للباري احنه النهديهه

واسمه الكمر الضحه بنحره

عيون الحره اتباريهم وتتطلع هيه الاخبــــار

ومن ناده بصوته الناعي بهاي المراة ظل محتار

لوليدي اسالكم عنه شنهو اخباره بيه شصـــار

من عرفهه وكال الحره سمعهه اخبار الانصــار

كالتهه ما اسال بيهه لحسين اولادي افديهه

وخبره من حزوا نحره

خبره وتطلم وتنادي يحسين ويازهرة عمـــري

يوليدي يا ضنوة روحي من عكبك محتاره بامري

بالكلب انصب الكم ماتم والبس اسود باقي دهري

يايومك يوليدي الغالي بيوم حسين شمعظم صبري

كالت انه اليوم انعيهه للزهرة العباس انطيهه

اخوانه وعباس ومهرهه

شهدت هالحره الاهوال لانامت بالطف اعيـــون

تباري لعياله المذبوحه وي زينب نصبت هالكون

كامت خطبت بالنسوان يوم اولادي كله اشجون

احسين وليدي اول كومه اسمه الشيعه ما ينسون

واخوانه ربك ينطيهه اصحاب الطف ايهنيه

ويا دلالي وصحة وهمه وصبره

لاو والزهره لا والحره

[/poem]

[poem=font="Simplified Arabic,7,blue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]

[poem=font="Simplified Arabic,4,blue,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
خادم اهل البيت

ابو علي السعيدي[/poem]

[محمد الشاوي]

الله الله
بارك الله بك اخي العزيز والشاعر القدير ابو علي السعيدي
جميل ما خطتة يمينك جعلها الله في ميزان اعمالك ووفقك لما
يحب ويرضئ انه هو السميع المجيب امنياتي لك با التوفقيق

[عمران]

أحسنت أيها الفاضل بكلماتك التي تعبر عن إرتباطك بالعترة الطاهرة ,اسأل الله تعالى أن يقضي حوائجك للدنيا والاخرة بجاه باب الحوائج (أم البنين ).

[ابو علي السعيدي]

[]بسم الله الرحمن الرحيم
السلام عليكم
الاخ الفاضل
محمد طالب الشاوي المحترم
شكرا للاطراء وللمرور الكريم على صفحتي وفقكم الله لمرضاته
وجعلكم من خدام اهل البيت
اخوكم
ابو علي السغيدي

[ابو علي السعيدي]

بسم الله الرحمن الرحيم
السلام عليكم
الاخ الفاضل
عمران المحترم
شكرا للاطراء وللمرور الكريم على صفحتي وفقكم الله لمرضاته
وجعلكم من خدام اهل البيت
اخوكم
ابو علي السعيدي

[ام عباس]

السلام عليكم
بارك الله بك اخي ابو علي السعيدي على هذه المشاركة المباركة واثابك جزيل الثواب

[ابو علي السعيدي]

بسم الله الرحمن الرحيم
السلام عليكم ورحمة الله وبركاته
الاخت الفاضله
ام عباس المحترمه
شكراا اختي الكريمه لمروركم وللاطراء الجميل وفقكم الله لخدمة
اهل البيت
اخوكم
ابو علي السعيدي