عتاب الحوراء وخطاب القدر المحتوم..للامام الحسين(ع)؟

[ابو علي السعيدي]

[[frame="1 80"][poem=font="Simplified Arabic,5,blue,bold,normal" bkcolor="white" bkimage="backgrounds/2.gif" border="none,4,gray" type=0 line=0 align=center use=ex num="0,black"]
بسم الله الرحمن الرحيم
السلام عليكم ورحمة الله وبركاته
خطاب الحورا لااخيها الحسين( القدر المحتوم)

قدر محتوم يخويه حسين صعبه من تودعوني
على الاهات والحسرات والدمعات بعيوني
ياهو الاسئله عنكم ويردلي وصايكم
نخوتي اليوم ياخوتي ريت الباري يرعاكم
ظلمه دنيتي بعيني وحشه الدار بجفاكم
حرمه بلا ولي ظليت وانه الجنت بحماكم
اسأل مايجيبوني...ام الحزن سموني...يخوتي طحت عينوني
عجب بالسرعه تنسوني وانه مساهره عيوني
سهرت يالولي عيوني وعكبك ماحلالي النوم
ظلت خاليه اخيمكم بس اسكينه وام كلثوم
وبطفالك يخويه اشلون من هجمت علينه الكوم
بيهه حركو اخيمنه وكلبي من الحزن مهموم
عيوني ساهرت وياك ...وكلبي ابد ما ينساك...اتيسر بعد فركاك
مشيت اعداك هظموني وبالاسواط ضربوني
سبيا اليوم ياخويه اهل الشام سمونه
محتاره وعليل وياي عالهزل يركبونه
همي بالكلب ياخوي بين اعداك خلونه
اسيره مكيده وللشام لهل الكفر ودونه
تتفرج علينه الناس..وانه مخدرت عباس..واحنه للهدى نبراس
لاواحد سأل عني شكولن من يسألوني
شكولن من يسأ لوني وين اخوتج يازينب
اطفال وحرم وياي واصوات النسه تنحب
وين الاكبر وجسام وين الراهب الملعب
وينه الحاضر الشدات حيدر سيف المجرب
نخيتك ياعلي مره...تحضر امي الزهره...زينب انه الحره
وحيده ابكيت بين الكوم عدمن جا تخلوني
وحيده ابكيت بين الكوم راحو ساعدي ويمناي
همه الضخر بالشدت منهل للعلم والراي
اسأل وين اخوي احسين أوين الكال اجيب الماي
سبيا والعليل ايلوج ظلت بس حرم وياي
وينه حيدر الضرغام....بيده يحمل الصمصام....وين الاكبر و جسام
جاوين الوعد يكرام هنا يالي كفلتوني
بيكم جنت مهيوبه وتدري الهيبه للخوان
وانه بلا اخو ظليت تحدي بالضعن عدوان
وين اخواني الجانت ترهب ساحة الميدان
انتو الاخوه والنعمين والكم يشهد القرأءن
ابن فارس بدر وحنين.....عباس وحسن وحسين.....اركان الهدى والدين
شلون بهم تخلوني وحيده اشلون عفتوني
بيكم يثبت الاسلام بالدم صارت الحنه
شلون بهم تخلوني هنا ياسادة الجنه
بيكم تطلب الغفران شيعه وصابئه وسنه
وبان بكل كتر مخفي شوف وسمع بان النه
كلشي واضح ومعروف.....بدمه سطراها احروف.....يوم التعتنيله اصفوف
يوم الحشر امي تصيح لاأجل الدنيه خنتوني[/frame]][/poem]
[poem=font="Simplified Arabic,7,red,bold,italic" bkcolor="transparent" bkimage="backgrounds/13.gif" border="none,8,green" type=0 line=0 align=center use=ex num="0,black"]
لخادم اهل البيت
ابو علي السعيدي [/poem]

[منازار]

[align=center]السلام عليكم يا ام المصائب ،،، بارك الله بك اخي على هذه القصيدة الشجية،،،



رزقنا الله واياكم زيارتهم في الدنيا وحشرنا معهم بالدار الاخرة...


ولعن اللله الظالمين لاهل بيت النبوة من الاولين والاخرين،،،،،،،،[/align]

[ابو علي السعيدي]

بسم الله الرحمن الرحيم
السلام عليكم ورحمة الله وبركاته
الاخت الفاضله
منازار المحترم
شكراا اختي الكريمه لمروركم وللاطراء الجميل وفقكم الله لخدمة
اهل البيت
اخوكم
ابو علي السعيدي

[ام عباس]

السلام عليكم ورحمة الله وبركاته
تسلم اخي ابو علي السعيدي بارك الله بك وجزاك خير الجزاء

[ابو علي السعيدي]

بسم الله الرحمن الرحيم
السلام عليكم ورحمة الله وبركاته
الاخت الفاضله
ام عباس المحترمه
شكراا اختي الكريمه لمروركم وللاطراء الجميل وفقكم الله لخدمة
اهل البيت
اخوكم
ابو علي السعيدي