 |
-
 برقية مستعجلة من صدام الى رغد بمناسبة صدور حكم الاعدام
برقية مستعجلة من صدام الى رغد بمناسبة صدور حكم الاعدام
كتابات - عواد العابدي
رغد ما غلطوا البيجات * من سموج رغوده
رغد يم كفشة السوده * رغد جا وين سجوده
رغد وإختج حلى إبيا حال * رغد مو صار عندي إسهال
رغد ترضون أضل حمّال * بس إخذوني وياكم
رحمات إعلى موتاكم * رغد تدرين بمصابي
يدبي الكَمر بثيابي * عشاي إثنعش علابي
رغد من بلوتي أشكيلج * أمون إعليج وأحجيلج
لكَوني بحفرة الجرذان * إبلحيتي عشعش الذبان
وآني فارس الفرسان * رغد يبنيتي إلحكَيلي
كَبل ما موت جيبيلي * صطل بيره وصطل تشريب
من أسكر إجروحي إطّيب * بلكي يروح هذا الشيب
رغد والمحكة تدرين * تعدمني بعد شهرين
إسمعيني يبعد العين * إنسي عركتي وي حسين
حطيلي محامي زين * أمشي إعليج عبد حمود
هذا التافه المسرود * والقاضي يريد شهود
وآني شهود ما عندي * سوّاني الوكت هندي
وشهودي غدوا طشّار * كل واحد ركبله حمار
وراحوا بسطوا بالشام * فلافل عالطريق العام
نسوني الولد رغوده * عساها ساعة السوده
وحتى أنتِ خذلتيني * عرستي ونسيتيني
وضلت دمعتي إبعيني * عكَب الجيش والحراس
وعكَب ذاك النفخ عالناس * لنّي بالسجن كنّاس
أكنس وأغسل هدومي * ويغص بالماي زردومي
إمروتج يا رغد كَومي * ودّي لبوش برقيه
بلكن يعطف إعليّ * وأرد إردود للسده
وسمج مسكَوف نتغده * ويخطب حارث الضاري
يهيبه يحفظك الباري * بس هذا بعد هيهات
ما يرجع زمان الفات * خيعونه عدي من مات
أحسده وصدكَ خيعونه * عبن ما شافت عيونه
أبوه الصار رازونه * تتفرج عليه الناس
هذي شارة العباس * توها بينت بينه
مثل الغنم ضلينه * تهنه وتاهت النسوان
كل وحده إبحضن شيطان * عليهن فزعت العربان
بعد شتريد رغوده * لكَت عرّيس عالموده
ضلت حلى وسجوده * عساها ساعة السوده
****
الدهر عضني بِنيبانه ولا جاي
أخبرج لا تتن عندي ولا جاي
رغد عرسج كسر ضهري ولا جاي(يعني الكي بالنار)
أخاف النوب عرس أمج عليّ
***
حماها حماها الوكت روحي على الجوله حماها
وشهم حامي الحرم بتّي حماها
رغد ما ينعرف ياهو حماها
غدت هوسه عليها إشلون بيّه
***
ولاني يرغوده الوكت توه ولاني
أصبحت لا مستوي كلش ولا ني
شبيهي البلسجن نايم ولاني
ألف نعله إعلى طلفاح الشفيّه
***
إنتهت الرساله
فنلندا
5.11.2006
[align=center]
 [/align]
-
شكرا يا زينب على هذه القصيدة الرائعة التي جسدت جانب من حياة القائد الضرورة عجل الله اعدامه والخلاص منه وطوي صفحته النتنه...
سلامــا يا عــــراق
-
زينب
اضحك الله سنك يابنت العراق
تحياتي
ومالي الاّ ال احمد شيعة ومالي الاّ مذهب الحق مذهب
-
هههههههههههههههههههههههههههههههههههههههههههههههههه ههههههههههههههههههههههههههههههههههههههههههه
ههههههههاااااااااااااااااااااااااااااااااااااااي هااااااااااااااااااييييييييي.
-
عاشت ايدج والله ضحكتينا من زمان ماضاحكين
ضوابط المشاركة
- لا تستطيع إضافة مواضيع جديدة
- لا تستطيع الرد على المواضيع
- لا تستطيع إرفاق ملفات
- لا تستطيع تعديل مشاركاتك
-
قوانين المنتدى
|
 |
رد مع اقتباس
