نصائح للمرأة اثناء المباريات الكروية!!! دكتاتورية الرجل..

[oor]

ونصائح يجب ان تاخذها الزوجة لا بالعين اليمنى ولا اليسرى بل بعين الجدية....أحد عشر
نقطة سأطرحها امامكم الان:

1-ألقاعدة الاولى والذهبيةهي (تسقط كل ألبرامج امام كأس ألعالم) يعني حتى لوكانت لعبة كوستاريكا والأكوادور وعلى ألشرقية طالع كرايبكم أللي حيفوز بقرص صاية وصرماية...هم تبقى ألافضلية لكاس ألعالم
2-يسمح ألمرور أمام ألتلفزيون مادام كان وضعك زاحفا (وأنتي ألممنونة) 3-تضبط المواعيد على وقت المباراة فسواء كنت من جماعة نطلع ورة الصلاة ونجي ورة الصلاة او من جماعة نطلع ورة ستار اكاديمي ونجي ورة ستار أكاديمي فعليك في ألحالتين أن تغيري مفاهيمك فتضبطي ألمواعيد كالتالي: (قبل اللعبة وورةاللعبة)
4-من هسة خلي أفهمكم أنه المباراة 90 دقيقة وكل شوط 45 دقيقةفرجاءا وتحاشيا للصدامات لاغير تجنبوا سؤال بعد شكد يخلص ألشوط وبعد شكد تخلص أللعبة....هية كلهة 90 دقيقة يعني ساعة ونص ...سهلة
5-من هسة اعرفي فريق زوجك منو علمود تستغلين جملة يللا بمناسبة الفوز عشينا من برة 6-لا بيكام حلو ولاكاسياس يخبل.....ترة اصلة للخشوم
7-أياك وارتداء ألوان الفريق ألمنافس لفريق زوجك وخصوصا اذا كان فريق زوجك خسران....مثلا أذا فريق زوجك خسران وية البرازيل فلتلبسين اصفر(شنو قابل انتي تويتي؟) أو اذا خسران وية هولندا فلتلبسين برتقالي(يعني ألة تطلعين البرتقالة؟ هية بس هالكم يوم صيري يتنجانة) وعلى هالرنة

8-جبناهة على الرنة.....أنتبهوا زين تقفل ألموبايلات أثناء وقت المباراة(أني كتلكم بعد معلية) 9-أستغلي ألاجواء واستفادي جم فلس الك وللجهال بتطبيق مبدأ ألمراهنات...فراهني على البرازيل وخطيتج برقبة أبو جواو(رونالدينهو)
10-ألتخلي عن عادة وضع صفحات الرياضة تحت الطعام لأن احتمال الرجال يشوف فد خبر مو زين وينكلب ألعشا عبالك ثالث مال فاتحة
11-واخيرا توصية الجهال بأن بهالشهر مال كاس ألعالم ياهو اللي تزورج يكلولهة نايمة لو طالعة لان اخاف ام سمير وام جواد يجلبون وتلحكهم أم انس هم توغف على ألواهس وهمة وديطلعون منا تجيج ام نور منا والرجال جوة ديشلع كاشي ويدك بالجهال لأن طارت اللعبة.

وقد اعذر منم انذر...

[عراقية حتى النخاع]

أكول عيني....خاف نسيت جدورة التمن والدولمة والزلاطة والمقبلات والخ الخ الخ نحطها كلها جوة القنفة علمود اول مايكول وين الاكل يحضر له رأسا بدون اي ثانية تأخير وحتى همينة لا اكوم واسد شاشة التلفزيون ويعيط بوجهي وتصير مشاكل واشيل بقجتي واخذ الجهال واروح يم اهلي وابجي وادك والطم واطلب الطلاق وابوية يكولي ماعدنا بنات يطلكن لمي غراضج وروحي لبيت رجلج....شلنا بيها يمعود مو بالله؟

[babil]

اخت عراقية حتى النخاع
الله يعينك مع فائق الاحترام
عندك دكتاتور صغير بالبيت لازم تعملين انتفاضة مع اولادك وتجيبين قوات تساعدك على الاطاحة بنظامه الدكتاتوري بس ديري بالك من الحواسم.