[align=center]اواجه بالقوافي التطلگ اوزان
واظل انزل عليهه بنزلة العد

وانه شما ينعتوني بطارف السان
يظل ينزل عليهه بنزلة العد

البحر انه البحر من عندي هلچان
ويظل معتاز ليه بعوزة الهد

الهمت من حب علي الچلماتي وجدان
وتغذيت الشعر من دمعة الخد

بنيت اول اساس بشعري بنيان
اعتليت انه القوافي بچلمة الشد

الشطر ادري الشطر لو كتبه بركان
وماضن الكلامي بحاجة الرد

وانه المادنگت تاليتي يفلان
عراقي وما اطخ الراس لحد

واذا رايد تگايش فنك انچان
شط وبالبحر تاليته ينصد

علي السعدي[/align]