[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
[align=center]مد روحك نهر يبست لهاة الكاع =و رد شمر العطش يبتخر برمحه
بس الباب طيحته يداحي الباب= كوم الحصن كله نريدك تطيحه
مناجل وشروهه لجية العصفور= ومتجي الزرع واتعذرت فلحه
إنهض ياعراق العرب هاي تريد =من طفلك تبوك عيونه والفرحه
نذرنالك عمرنه وشوكنه التعبان= إذا جلمه تبيعك نحرك الصفحه
تراب البيه شهامه نحطه فوك الراس = وتراب اليخونك نكفر بملحه
مر بينه الجبل ماخذ نذر للهور= وطيوره وسماه ووادمه وسفحه
وخدود السمر تعبن شمس الكيض= عفيه عيون تبجي وهاكثر سمحه
صح دمنه الصبغ واللوحه كاعك هاي= والفرجه شظايا تلطخ اللوحه
بس أحنه وحكك مانطخ الراس = والينكر هله من الخارطه نمسحه
عدنه حسين ميت بالعطش من طاح = بس فنه الشجاع اليكدر يذبحه
وطن يبجن عيونه من اول التاريخ = وحفر دجله وفرات وما تسمعونه
وطن هذا شكثر من زاده اكلنه أشكال = واليشبع كبلنه يبوك ماعونه
مثل زينب خذوه لمجلس ابن ازياد = ومن حر الشمس ذاب وكلب لونه
وإذا زينب متنها اتكطع من السوط = فركتنه بوطنه تكطّع متونه
د خل نطفي الحزن بخدود الولايات= ونسد مجرى الدمع ونخيط جفونه
وخل نرسم وطن للماي للاطفال = والباعوا شرفهم خل يسمعونه
صح زرقاوي عدهم بالوطن خلوه = بس كرار عدنه ويفكس عيونه
تره كرار عدنه ويفكس عيونه [/align][/poem]
رد مع اقتباس
المشاركة الأصلية كتبت بواسطة ميثاق الهلالي
[/align]
