[align=center]
گلي كلشي وبلايا اعذار
ولاتگلي طيب چنت ماجنت اناني
بعد دم الهجر بيدك حار
لاتمثل بعد ودورالجاني
مادام صار العب گدام الانضار
تتضح لابد اسرار ومعاني
بيادر صبري ذرتها المراويح
وماظلي بعد بس صفنة احزاني
سايرتك گبل رغم اعرف المضموم
جزات مسايرك تنكر حناني
ماريدك ترد جاي اگلك روح
واخذ اثرچفك من اخدود بيباني
بظرف عوزي منجل شماته اتصير
وانا حل وخلاص بشدتك تگاني
وك افزع چنت لوجاس طرفك ريح
وعليّ وياك اهد من چنت تنخاني
وما اقبل چنت وحدك تضل وياك
شلون اگدراشوفك ويشخص ثاني ؟
بعد مااصيرا دمع تذرفني لعيون
لان طبع الطيب- حد الندم وداني
ولااذم المواگد من العب بنار
ولا اشكي واگول الجمر جواني
رغم ماخسرت كلشي وكلي موجود
احس غدرك جرحني وحيل اذاني
من گد حرگتي وجرح الصواب
گبل لاعض اصبعي ندم- عضيت اذاني
البشر من الغلط يتعلم دروس
ودرس عشگك احد من السيف سواني
سواني جلد والمبداء احس صار
كسرت گلب ياميل صرخات الثواني؟ [/align]