[align=center]



اعدام كرسي
كافي من الزعل خليني تعبان

كرهت من العتب نبرات حسي

بحلگي ما اظن ضل لسان

وتعبني الحچي وي ابناء جنسي

بشر مستحوذ عليها الخوف

ما تهم وتبالي بيا وضع تمسي

العسر حالك يا وطن عندي حل

وبا الحل ما تعيش بقلق نفسي

اذا فعلا تعبت وردت ترتاح

انصب محكمه واعدم الكرسي

بخدود الورد خل ترجع الوان

وعلئ وجوه الطفوله العافيه تمسي

ما دام الكراسي اتسودن الناس

وحفاض اعله باچر من عذاب امسي

دز غصن زيتون بجناح الحمام

السفينة نوح تعبها البحرخل ترسي

...

ويل جنت ما مثل دارك دار

تنام وعيون اله بليل حارستك

شجاك اتغيرت ما ندري با الصار

رعب كلك صرت وشباح ساكنتك

يا صوره جنان واخضر الون

شمال لون الدم رسم خارطتك

يايعقوب ولدك ما تحس بيك

لو شيطان الطش شمل عائلتك

دخيلك اعيون اموزره اتانيك

بعثرها الشتات المارضت ذلتك

تضل الياوكت تزرع امل چذاب

ومناجل ادين الغرب حاصدتك

مو طشت وعلئ السان هذا وذاك

بس تهجير وقتل ورهاب سالفتك[/align]