ركض گلبي

[الجواهري]

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
[align=center]ركض گلبي

ركض گلبي عليك بلهفة العطشان صار سنين روحي عليك مشتاگه
شفتك من اجيت ببدلة معرسين يالوجهك گمرمن دون الزواگه
ياجمار مخفي ومايشوفه الطير يالخدك عنب هدل التسلاگه
ومثل حالي فقير ومايعرف البوگ بعيونه يتحسر لاتظن ضاگه
هويتك بالزغر تدرس بدور ودار وتلعب خرز من تصير مشراگه
وتزعل روحي من تزعلك الاطفال واذا اشوفك وي الاطفال تتشاقه
اشتعل بيه الحنين وحرگ روحي الغيض وكلش زين تدري الفرگه حراگه
چنت بيت الشعر يمعزب الخطار تعال وشوفه عگبك طاحن ارواگه
وصرت شجره واكلها البرد بجويريد وكل غصن اليعجبك حتت اوراگه
بقه بس الجذع والجذع مابي خير وجم فاس الاجت وتحطب بساگه
صرت شلاخ والچانون يلهب نار وبيام البرد تگعد التفاگه
منهو البي رحم ويگول طفوا النار صرت فرهود كلمن ينطر ارزاگه
شبگني الوكت وحباله من كنبار ماظل حيل بيه وافتح شباگه
مر بيه ولك ودعني ساعه وروح گبل مايحدي الجناز بنياگه
وگل الهم رگد والعشگ ضل وياه لحد مامات ابد ماانكر اشواگه
ووصاني وصيه وگال حد الموت خبرهم بان الموت ماعاگه

ابو حيدر الشريفي[/align][/poem]