بسم الله الرحمن الرحيم
السلام عليكم ورحمة الله وبركاته
أود أن أقدم لكم هذه القصيدة الرائعة من الشاعر (الحاج أبو خليل العقابي) كتبها بتاريخ 19/10/2008 مخاطباً بها كل حاكم جائر، ظالم للناس، وبالأخص صدام حسين (المقبور) الذي ظلم الشعب بجوره وطغيانه، فولى مقبوراً إلى الجحيم.

اليعمل ضد الشعب انگله اطلع من بغداد
اطلع ول من عدنا اطلع يا جلاد
******
اطلع ول من عدنا يلحاكم بالنار
ضرب اشرار الحاكم يا ويل الأشرار
راد ايذل الشعب او عاش ابذل العار
واحنه احرار الدنيا اتسيرنا الأوغاد
******
گالوا عنك مسلم مؤمن مشتبهين
حاكم ظالم جاير ما تؤمن بالدين
وين اتروح امن الله يا صدام حسين
ما صارتلك عبرة من نمرود وعاد
******
وين الظلموا گبلك وين اسم الحجاج
وين ايزيد الظالم قطاع الأوداج
وين السووا جنة او داسوا عالديباج
او ملكوا كل الدنيا ابأمرتهم تنگاد
******
الگالوا عنك عادل ما عدهم وجدان
وانت اعمال العندك ما عند الشيطان
ليش اطفال الترضع حرگتها النيران
وليش اگبور الموتى شملتها الأحقاد
******
ليش اتهدم الجامع يلماكو احساس
وتضرب گبة حيدر وحسين وعباس
ذولة اوجود الدنيا ايضربونك بالراس
او تالي اتضيع دربك وتضيع المشراد
ـــــــــــــــــــ