جبل صامد تظل يامقتدى الخير
جبل صامد تظل يامقتدى الخير وتظل مولاي شوكة بعين الارجاس
من اوصفك جبل لامابالغت بيك من جدمك شهامة لهامه الــــراس
عزمك عزم ابوك الماخضع يوم صدرنه الليث الابيض ابو النوماس
وحيلك حيل جدك من علي الكرار وصبر حسين بيك ووفه العباس
انبنه بيك الفخر يامقتدى وبيك انهدم سور المذلة وهوى من الساس
اليقيس الزلم بالعمر غلطان الزلم مو بالعمر بالفعل تنقــــــــــــاس
اتعجب على اليجاسر عليك التراب التحت جدمك كون ينبـــــــاس
شفت كلشي بحياتي وماشفت تاج عليع ابلا سبب يجاسر مــــداس
الميفهمك ابد كل عقل مابيه وذا يملك عقل ما يملك احســــــــاس
مولاي اليبغضك واليعاديك نذل تربات شارع مو ابن نــــــــــاس
ومو طاهر الاصل ونعذره مولاي مكيوله وصحيح العرك دساس
يافخر العراق وهيبه الدين تبقه لهل الوطن ياصدر نبراس
قاده هل بلد لو مثلك اتصير ما ظن من ارضنه شبر ينجاس
كلهه اتكترت والوطن عافوه ابسطال احتلال ودرع ينداس
سير بنهج ابوك وكلنه وياك حدنه وياك باقي لكطع الانفاس
لجل عزة شعبنه ونصرة الدين منو مثلك تحمل جبل وهواس
الوطن بستان واهله بعينك ورود وروحك سيدي تحب كل الاجناس
ومامون الوطن ماطولك انت هنا وتيار الصدر للوطن حراس
احنه ارجال عدنه الامنية الموت وتشييع الجنايز زفة اعراس
__________________
رد مع اقتباس
