عمار جابر العطاوه
(الى البعض من العراقيين والعرب)
مطكن يا تفك بعرس المغابين
عرس المغابينوصيحي بلحمه وذر شوباش
عمت عين البرانو الماتنوش حدودهه
عمت عين التنام إعله الذله بفراش
وكت أعمى سده بغفلة الأزلام
التهت تشل اجراح اليام بشلاش
يعيرون النخل إملونه عثوكه
منبعهم دغل ويا ثمره منه ينحاش
غربان وعكاعك تتبارى وي صكور؟
جانت تاكل فضلته وتكول معياش
تدفوا بمضايفنه ودثار الأجاويد
واحدهم مكطن ولجلده دوم نهاش
شجباكم عل الحضاره لملوم الأعراب
ماعدكم عجيد نحسبه وي الزلم نكاش
ولكم ها ها مايتغير أصلنه معروف
حطت جدودنا بأرضهم وسوت أهراش
فَرّعْ شجركم بموحان اليفيض
رجع لصله النهر وصفيتو شراش
تتبارى التفك وإحنه اهل العراضات
تشهدلنه الفاله والمكوار للغازي نشاش
انجرت سراكينه مايرجعها عذر
غراب شما عله بجبد السما يناش