و بالعكس انا اشوف صرصور الاجانب مرتب وشكله بريء ومسالم مب الصرصور مالنا ( زهيوي - بالترجمة الخليجية) الوع الجبد وشكله ارهابي وفيه طبايع عدوانية:D:: والعن شي الصرصور الايراني طوله طول النعال وانتو بكرامه 00المهم لو كل واحد لقاله شي في الاكل وماكل عيل بنموت من الجوع00ههههه
انا صارتلي مواقف من هالنوع بس ما انسى المره الي كنت رايح اشتري فيها وانا صغير شاورارمة لحم من مطعم مصري مشهور (مابقول اسمه حتى لاتنزل مبيعاته في بورصة المطاعم ههههه) وطبعا طلبت سندويجتين شاورما وانا فرحان وعلى ويهي سيماء الفرحة والبراءة كاني بشتري لعبة 000المهم جلست اتريا دوري وفجأة حصل حادث ماساوي 00الي كان اقطع الشاورما انجرحت اصابعه من السكين الكبيرة الخاصه وسال الدم تقولون واحد جالس اطبر يوم عاشوراء بس على اصابعه 00;)المهم عملوله الاسعافات السريعه اللازمة ورجع الحبيب واصر اكمل شغله بنفسه (على فكرة الي عنده موعد اروح لان القصة شكلها بطول الظاهر :D:: ) المهم وانا فرحان واقول واخيرا وصل دوري وطبعا عطوني السندويجيتين ورحت بسرعه البيت حتى اكلهم وانا اطالع التلفزيون وطبعا فتحت السندويج الاول والتهمت نصه تقولون واحد لاول مره اشم ريحة اللحم ويوم وصلت لنص السندويج الاول لاحظت ان عظم تعلق باسناني ( عادي شوفيها صح) الجزار نسى يفرم اللحم اوكيه00وطبعا حسيت ان هالعظم غريب وحطيت ايدي في حلجي وسحبت العظم 00لكن توقعوا شو كان هذا الشي هل كان فعلا عظم ؟ 00هذا ماسوف تعرفونه في الحلقة القادمة000:D::لا امزح معاكم والظاهر اني طولت00المهم طلع هذا الشي ظفر لاصبع كبير وعلى طول راح بالي وربطت الموضوع بصاحب الشاورما الي انجرحت اصابعه 00وانا من دون كل الي اشتروا شاورما طلع في حظي الظفر الي انقطع معاه جزء من اصبعه 00وجلست اتخيل الدم الي سال وقطعة اللحم الي من الاصبع الي اكيد انطبخت مع لحم الشاورما في الصينية وعلى طول رميت باقي السندويج الاول والسندويج الثاني في الزباله وانا نفسي كانت شوي وبتستفرغ كل ما اتذكر الموقف وكانت صفحة سوداء في تاريخ السادة هههههههههو طبعا حرمت اكل من المطعم نفسه بس طبعا ماحرمت اكل شاورما لاني ما اقدر اسغنى عن هذي الاكلة اللذيذه والرخيصه00:D::
صارت السالفه فلم هندي صح =)
00اعذروني تفاعلت شوي مع الموقف هههه
هههههههههههههههه أخوي سيد مرحوم ، توني ادري انك من النوع اللي اذا قال سالفة يندمج بالأحداث :D:: الله يستر اذا بعد اتمثل الأدوار اللي بالسالفة تفسها ;) ، اذكرني بوحده من صديقاتي من تقول السالفة تندمج فيها بالتمثيل و بالحركة و بالكلام و حتى بالصوت ، صج صج صج انتو فيلم هندي :D::
و على طاري الشاورما ،، يالله ما عليه خيرها بغيرها و الحمد لله انه الله ستر ،، بس انت ذكرتني بسالفة صارت لي بس هالمرة مو مع المطعم ، هالمرة مع الخدم ،،
قبل 3 سنين تقريبا كان عندنا خدامة ، و الله العالم انها وايد كانت حاقده علينا طبعا ما اظلمها بس تصرفاتها خير برهان ، اتخيل ولد عمي مرة من المرات طلبنا منها اتسويلنا بطاط مقلي ، و طبعا اهي سوته ، و انا على نياتي خذيت نصيبي من البطاط و قمت آكله ليمن خلص ، و كنت بعيده عن اخواني ( يعني بروحي ) ما اشوف الا اخوي ياي لي الغرفة و قال لي: كليتي من البطاط ؟ ( بصيغة تعجب ) و انا مسكينة اقولها إيييييي والله اينن لا يطوفك روح اكل لا يبرد و و و ، قالي يا الغبية انتي ما شفتي شنو الخدامة حاطه بالبطاط ؟ قلت له شسالفة ؟ والله العظيم سيد مرحوم الاخت الكريمة حاطه مع البطاط حشرة كبييييرة مو عارفة شنو اهي و طابختها مع البطاط و حاطتها بالصحن ( يا ساتر عسى مو سحر ) ، وربي لاعت جبدي و جبد جبد جبد جبدي
=) ولا سالفة أمي العجيبة ،،
اهي كانت امخططة على هالعيد اتروح تايلند خصوصا انه البضاعة هناك يمدحونها ، بس فجأة هونت قول ليش ؟
اتقول انها سامعة انه اهل تايلند يحبون ياكلون صراصير محموسة ( يععع يعني حميسة صراصير و انتو بكرامة ) يعني شوارع تايلند مبخرة بريحة الصراصير المحموسة ،و اللي ما تلوع جبده اكيد بتلوع اذا شم ريحة هالصراصير ،،
ياااا سلااام صرصور في الكتكات
رد مع اقتباس
[/align]
00هذا ماسوف تعرفونه في الحلقة القادمة000:D::لا امزح معاكم والظاهر اني طولت00المهم طلع هذا الشي ظفر لاصبع كبير 