بعد باچر

[العراق عراقي 1]

]

بعد باچر
***********

نضل بـس بـسـمك انّادي ****** يهمّك همْ ولا سـادي ****** اخبرك نوّخت نوگي
گبل لاتعبر الوادي
***************
وجزانه وطوّح الحادي ***** عبر شطيّن وينادي ***** گلت بس لارخص سوگي
نبت عاگول بوسادي
*****************
بگيت انطر عگب باچر******* لأن باچر ولا باچر ******* بعد باچر* بعد باچر


أجيب وياي ألك صوغه ***** وابيّنلك ألف شـوغه ***** واسـولف سالفة شـوگي
عبر چلمات مصيوغه
******************
بعد باچر
بعد باچر أرد يمّك **** وادوف أهمومي بهمّك **** وافرغـص جيدي من طوگي
ولا مرّه ألتفت عـنّك
*****************
بعد باچر ******* باچر لا ******* بعد باچر


بعد باچر أشـوْفك همْ **** كتبت أحروفه ألك بالدمْ **** هذاك اليسري بعروگي
وضل كلما يطشني ألتمْ
******************
بعد باچر ******* بعد باچر
أجيلك شـايل أهمومي *** يمن عگبك رخص سـومي *** تراني انلعب بطروگي
بعد ماعگـّبت يومي
****************
واضل أرجى عگب باچر***** لان باچر ولا باچر*****ولا يومي أحلى من باچر
بعد باچر***** عـساه يجزانه بـس باچر***** بعد باچر

ابو ماجد الزيادي

[خادمة الزهراء]

وادوف أهمومي بهمّك
كل كلمة عراقية معبره اعتبرها قصيدة كاملة
رائع ما وضعت لنا أخي الكريم
وإن شاء الله يضل العراق عراقي 1
لاتحرمنا من هذه القصائد القيمة

[العراق عراقي 1]

شكراً جزيلاَ الاخت الفاضله على كلماتك الطيبه ومرورك الكريم