وداعتك أستاذنا الكريم
(( كُلها إسرائيليات ))
هسا أسولفلك :
قبل أربعة أيام عندي كلوب تنحريعني عاند ما يشتعل بالمحل ،
حاولت وما عرفت السبب ليش ما يشتعل ساعة كاملة وما اشتغل ،
المهم حار أكو بارد أكو الواير ما بي شي فحصت بدرنفيس الفحص كلها تمام ميشتغل الكلوب ابد :
المهم وكفت إباب المحل خلي أشوف كهربائي ، وأسأله لأنه شغلته والله ربع ساعة او شويه اكثر شفت كهربائي وسيد ابن رسول الله كُلت راح تنحل المشكلة
والله بالأول سلمت وشلونك سيدنة شلون احوالك ،
كتله بلا زحمة مولاي عندي مشكله بالكلوب بارد اكو حار اكو الكلوب فحصته بغير مكان يشتغل ،
بعدني دا أشرحله وضع الكلوب والمصيبة (( وجاوبني وبكل أدب وإخلاص )) (( الظرف م يخدمني )) وعافني وراح ولا كأنه عراقي ! ! !
خوية هذا اللي دا يصير على روسنا سببها معروف العراقي تغير مو مثل قبل إلا القليل القليل والنادر ! ! !
أسولفلك سالفة ثانية أبوية وأبوك وأهل كبل ، كلهم من يروحون الى بغداد يجيبون غراض للمحل ، جانوا قبل بنهار يتقرضون من الجار ابو المحل اللي بسده واللي بسدة اللاخ منا 50 دينار ومنا 20 دينار ومنا 75 دينار،
ويروح يتسوك ويشتغل ومكيف ، وفرحان ، ويربح ، ويسدد ومن يروح واحد ثاني هم يتقرض منا ومنا
شوف هسا يالغالي ، لو اريد منك او من أعز صديق او من أقرب الأقرباء جم فلس يكولون شوف الورق بيش وبعيني
(( الله يفكس عين الورق والوكت ))
شوف الورق بيش
هذا عراق اليوم ابو التراب والعج
(( إسرائيليات يبن العم ))
رد مع اقتباس
[/align]
المشاركة الأصلية كتبت بواسطة احرار
