المشاركة الأصلية كتبت بواسطة مكارم الأخلاق
حبيبي ابو حسن ....
هاي شلون ؟ نورنا الله ينور عليكم
الحمد لله في ظل معالي الوزير حصل التالي:
1. الخطوط الجوية العراقية أحسن من كل طيران بالعالم (دقة بالمواعيد/خدمات جوية ممتازة/مطارات أحسن من دبي وحتى شارل ديغول/طواقم ارضية تفدم خدمات بدون ما تبتز المسافرين ولا شركات الطيران).
2. القطارات اسرع واحسن من اليوروستار وسكك حديد حتى بالاهوار وفوك بيتنا.
3. النقل البري من كد ما زين الناس تركت وسائط النقل الاخرى وكامت تجلب بالدعاميات.
4. الموانئ والشحن البحري تحلم تسوي مثلها سنغافوره والنرويج.
5. قضينا على الفساد والوزير كتب كتاب عن الموضوع بحيث الوزارة مطبقته بالحرف والفارزة والنقطة ، وتريد تجرب روح لمطار بغداد أصلاً هم ينطوك فلوس حتى ترتاح نفسياً.
6. انه العراق دا تحلم شركات الطيران تجيه على الخدمات والتسهيلات الرائعة الي يقدمها اله الطيران المدني واكبر موافقة ما تطول يوم وفوكاها بوسه وينطوك خرجية تشجيع حتى تجيب جيرانكم.
7. حلينا مشكلتنا المسعصية مع الكويت عبر الدعاء والفتاوي غلى طلبها معالي الوزير من الكويتين.
8. صار عندنا اسطول من الطائرات لنقل المساقرين والشحن والمستشفيات الطائرة والتاكسي الجوي.
9. أهم شي معاليه يحب يعمل بصمت فلا خلى صورتة بمجلة النقل ولا يطلع بالتلفزيون أكثر من ميسون الدملوجي ولا مثل الباقين تارسين دوائرهم ومطارت العراق بصورهم.
10. بعدين هو محبوب والدليل فاز بالانتخابات لان 14000 ألف موظف في وزارة النقل صوتوا له.
11. شغل مطار النجف وماحاربه والدليل مطار صارله سنه من اشتغل والطيارات فوكه فوكه.
12.وأخيراً فتح خط لندن والرجل بنفسه راح (هم كان كاعد بالصدر) والحمد لله رجع بالسلامة والنصر على الكويتين الجبناء إلى حاولوا يحجزون الطائرة بس شي واحد عكر رحلة انتصار هذا السندباد العظيم ، ابو زيدون (كابتن كفاح) راح بالرجلين لأن نسوا الجماعة يكولون لمعالية أكو جكم فضائي على الخطوط والمستشار جان نايم ثم معاليه مايحتاج يكعده لأن هو يفتهم بكل شي ويقود الباص والقطار ويبحر بالمحيطات والانهار ويطير بالعواصف والامطار .
الله يديمه ذخر للعراق وكثر الله من أمثاله حتى نرجع نستمتع بركوب المطايا والبعران وسكراب الخطوط العراقية.
قديماً قيل أذا لم تستحي فافعل ما شئت
لقاء قناة المسار مع وزير النقل
رد مع اقتباس
