[glow=FFFFFF][align=center]بسم الله الرحمن الرحيم
هذه القصيده اعجبتني واحببت ان اطلعكم عليها
[poem=font="Simplified Arabic,4,skyblue,bold,normal" bkcolor="transparent" bkimage="backgrounds/10.gif" border="solid,6,white" type=3 line=1 align=center use=sp num="0,purple"]
جسد العراق
.................
وگف گلب العراق وسكنت الريح...وصفن شط الفرات السكنته اشباح
صفنة سيف عز ابساعة الموت. ..ونحر باخر نبض يترجه ذباح
جسد صاير وذر يتوچه ويطيح..........اذا يجهز عليه السيف يرتاح
عطش حته العطش مابلله الماي.شهگ شهگه الفرات وكل جرح صاح
جرح يچوي ابجرح ويهوده برماد... ويفز وجه الصبح ويصير جرّاح
لچن شگ هالجرح شگ ما اله اخياط...غميج ومايطيب ولاهو ينلاح
ولا چف الغيور يبلسم اعليه...ولا حظن اليلولي ولا هو يرتاح
گصت بيه السيوف وسحگته الخيل...جسد عاري ويضارب مامش اسلاح
لبس جلد النخل واتحزم الليف...وشبخ مدرع ظلامه وعاذبح راح
نبش ذيچ المقابر طلّع اسيوف...واخذ من الضلوع الخاويه ارماح
...............
سرج اخر مهر يتماطر جروح...واهو باخر نحر واخر سهم لاح
سهم مامش سهم مثله ولا صار...يفج گلبه ويگلبه مخضب اجراح
توذر والچفوف اچفوف عباس...ومثل جسم الحسين اعله
النهر طاح
................................
تمدد عالفرات الطول بالطول....ولبس ثوب الشهاده وصار اله اوشاح
فتح اخر رمق بس صادفت ريح...طفت اول نظر واخر ضوه انزاح
تچّفّن ياوسافه وصار جناز...ومشه ابتابوت عمره وعالشمس راح
وصل شاف الشمس ظلمه وخفافيش...صرخ ياشعب چن ذاك الشرف راح
ابد ماتمر شمسه وتصدف ابليل..ولا ينزل مطر لو مامش ارياح
ولا يوگف نخل ويعللي بالهام...اذا مو بالارض يشبچهه سباح
اسحگ ياجدم من تسحگ واجيس...وعلى اليردح تگوم اتصير رداح
واغسل يافرات شما يظل عار...واشطف يانهر كل ذيچ الارواح
وخلها شما تصيح شما تعظ بيك...الطفل ماينولد لومامش اصياح
الطفل ماينولد لو مامش اصياح
كتبت2004[/poem]
طبعا هذه القصيده للشاعر كاظم السماوي
موفقين
اختكم[/align][/glow]
رد مع اقتباس
الان اثبتي انكي عراقية
