من جنة الكاظم عد أسد بغداد
الكلفه بيوم ضاكت همه حلوها
من البأري الشرف برهانكم معروف
التعصي على الطبيب انتم اتسدوها
شكرآ سيدي وممنون منكم حيل
جليتو الهموم الشده زحتوها
ما خاب الكصدكم ابد ﻻ والله
وياشده ونخاكم ما كضيتوها
والنعم باب الحوائج مكصد الوفاد
كضت كل الحوائج بيك سموها
احسك سيدي موجود على الشباج
وتكول الصعبه عدكم مني اطلبوها
وادري بالجليل انطاك هالعنوان
وكرامات ومعاجز هالتشوفوها
بس عدنه طلب موﻻي ردنه يصير
عن اهل العراق الشده زيحوها
وخل شيعة علي تنعم بنص الخير
عزيزه ارض المراقد كون تحموها
ترى داعش واهله ﻻشرف ﻻدين
وسامراء الشريفه يريد يسبوها
ترضون اتدنس أرض سامراء
ﻻ حاشه وعلي ماضني ترضوها
وﻻ صدك ألداعش ترتفع رايات
ودولتهم بأرض بغداد يبنوها
هذوله بلأ منازع ذنب ﻻسرائيل
وبدؤ بأمة محمد هل يشوهوها

؛؛؛؛؛؛؛؛؛؛ ابراهيم الخفاجي؛؛؛؛؛؛؛؛؛