انة ابن العراق

[احمد1976]

الطاح فدوة ومنحنيت ولو طبع السيف اصلا منحني
حارسك حيدر علي وطف كربلاء وفدوة كلنه اروح الك ال وبني
سمن طابوكات طاحن وي فداك العثر ينهض والتهدم ينبني
هذن مرن علي وفايتات هواي الويهن صبر ويخسن يلوني
جبت عمري سفينة مكالب وي الموج ماشفت المراسي ويوم لفني
من حد السيوف الظالمة اشرب موت ورحت طاغية بكل يوم تطحني
صرت كلي مقابر والبيوت سجون جن حزب البعث مصنوع يسجني
هذن كلهن ضكتهن والعرب ياحيف شربت نخب موتي وكاعدة تغني
طرب غنت الموت وساندت هدام شنسه من العروبة الكثرت وني
ضايع بين غربة وخنجر الجلاد وسفارات العرب ما رضت تقبلني
وتصافح قاتلي بعض العرب لليوم وفضائياتهم للان تقتلنــــــــــي
عرب طز بالعرب ياذلة التاريخ طز بالجامعة الحاولت تخذلني
وطز بعمر موسى وكائنا من كان ماريد العرب فد يوم توصلني
ما محتاج كلب العاهرة باْي عون
ما محتاج كلب القاهرة باْي عون انه اندل المجد والمجد يندلني
انه سن الصخر والنايبات الماي ينشف مايهمن بس ما يطيحني

[احمد1976]

باْسمك ياعظيم ا بدي بصريح القول وغيرك ما نناصر وحدك انت الرب
وحب ال الرسول المنهج بدنياي بحبهم للجليل وبيهم اتقرب
انه صاحب عقل ميزت وين الخير ما ساوي الفحم وي خرزة الكهرب
شيعي ورافض اسميني بعض الناس نعم رافض ظلمكم ما ابايع ضب
بايعت الولي النصبه الرحمن قاطع راس عمر وشاطرة لمرحب
وهي بيعت شرف كملت هذا الدين سهلة على الشيعي وعل البعض تصعب
خلهة الناس تحجي شما تريد تكول انه الراكب الصعبة وغيري ما يركب
عندي الموت راحة وهذا درب حسين الذ من الشهد بشفايفي واعذب
تكص بية المناجل صار هاي سنين والوالت الطاغي من العذب تشرب
نصبتوه اله وحلليتو عليه من دمه العفن قرانكم يكتب
وانه عندي العمامة ثورة عل الطاغوت وغيري بخزنت الطاغوت ظل ينهب
انه الشيعي العراقي من العرض للطول انه الكل مو جزء واليعترض جذب
انه البيت كله وراعي هذا البيت اموت بساحتي وما اترك الملعب
شربت الموت طبعا ما شكيت بيوم انه بسوح الاعدام وموته مجرب
من مضحي بمراجع تسوه عمر وزيد صعدت عل المنابر والفشك يلهب
قرابين شكثر قدمت لجل الدين واخرهن فجيعة كربلاء الاصعب
ودم البنجف من خضب المحراب نهر دمنة ايتدفق ما رضوا ينضب
رضو ينسفك دمي وجددو عاشور انه المطلوب دمه امريكة مو مطلب
ولا مسئلة محتل واحنة نعرف زين واعين الدسايس وين تترتب
وعلى ياوتر تعزف شلة الارهاب وندرك ما تريده ونعرف المطلب
لكن لا وحك دم الشهيد الطاح يوم الصعد كل البارعة مخضب
اذا فتوى اطلعت بيكم تميد الكاع ونكطعه الجفوف المدت المخلب
نعرفكم منو ونندل حياية البيت وندري بيا مكان تتخوتل العكرب
كفاكم دم تره ازعل واليصير ايصير واحذرو من حليم القوم اذا يغضب
ما تبقى كصيرة تمشي فوك الكاع ويخلي بدماكم يبحر المركب
سامحنه وكلبنة اوراق يابو اوراق وعمرنة وبنينة والبعض خرب
ما ردنة الدمار واحنة ما بادين وحشاهة من التعصب دوم هل المذهب
لكن غيرنة يريد الدمار يصير وخف رجله على طبل الفاينة واطرب
مو ذنب اغلبية هذا واقع حال غصبن عل الرضى والمارضى الاغلب
وعلي يبقى علي ويبقى ولي اللـــــــــــــــــــــه والماعاجبه من البحر خل يشرب

[نحلة العراق]

يولد الشيعي مكتوبا عليه ..........ان يعيش الحزن حتى الحافرة
ليس في الشيعة قوم فرحين.........فرحة الشيعة دار الاخرة
شكرا اخي على القصيدة روعة ....