قصيدة (طيفك خناجر) مهداة لكم جميعا ... أمنياتي

[ميثاق الهلالي]

[poem=font="Arial,4,white,bold,normal" bkcolor="transparent" bkimage="backgrounds/37.gif" border="inset,4,gray" type=1 line=0 align=center use=ex num="0,black"]
نزل يمي الگمر من شافني ابچي جروح = حط ايده عله خده وذابن شموعه

اضحكلك چذب وبگلبي تاكل نار = واشتل ورد بيك وروحي مشلوعه

چا شيصير كون تفك علي شباچ = وتطفي الظلام وتنهي موضوعه

خطيه انه ولك مو بابي هاي سنين = يتنطر چفوفك تمسح دموعه

نسيت اشكثر اسهر ليل وانت تنام = واشري عيون الك وعيوني مبيوعه

هسه الروح نخله ومايهمهه الماي = اذا طلبتك گطره احسبهه مگطوعه

عید الله اجه وماشرعتله الباب = بس بوجه طيفك شرعت بابي

ومر طيفك خناجر بسمرت بالروح = انا مگطّع وصل لتغرك اثيابي

سيف وحاربتلك والمنايا صفوف = رديت ولگيتك بايع گرابي

روحي ومرمرتها وماگلتلك ليش = لأن مو طبعي ادور ثمن لاتعابي

تطفه النار بالتالي وتصير اتراب = بس انه الوحيد النار بترابي

ماتطفه بعد والنار هيه النار = كلما يمر طيفك تشتعل ناري

مو مشكله الراح ومايهمني الجاي = لأن ثوبي صريح وطشن اسراري

الكاتلني الورد خنجر شلون يصير= والشاريه بروح يبيعني بذاري

منشارك صلف ياما نشر بالروح = وانا من وصل يمك مات منشاري

صرتلك عود يعزفلك دمع وتنام =مالک من غفیت تگطّع اوتاری؟

روح ولا ترد ماريد كل چذاب = إنتْ ثوبك گصيرشجابه لگداري

روح ولا ترد ماريد كل چذاب = إنتْ ثوبك گصير شجابه لگداري[/poem]

[خادمة الزهراء]

[align=center]چا شيصـيـر كــون تـفـك عـلــي شـبــاچ
وتـطـفـي الـظــلام وتـنـهـي مـوضـوعــه
اي والله ياريت ينفتح هذا الشباج على العراق هم .. وينهي موضوع الظلام الي يعيش بيه ..
عذراً ربما خرجت أنا عن الموضوع
أخي ميثاق
شكراً لهذه الهديه الرائعه وعلى روعة ماخطه قلمك الدافىء
تفننت بالتعبيروعبرت باحساس لتوصلهُ لنا
هنيئا لنا نحن بقلمك الدافيء وفي أنتظار الجديد
تحياتي[/align]

[ام عباس]

رائع جدا ومبدع جدا اخي ميثاق دام قلمك متالقا ولامعا في واحة الملتقى الادبي وتقبل تحياتي الاخوية

ام عباس

[غرشة عطر]

هسـه الـروح نخلـه ومايهمـهـه الـمـاي
اذا طلبـتـك گطــره احسبـهـه مگطـوعـه


ياسلام

حقيقة

خجلة أن تطأ حروفي المبعثرة قصيدتكم الكريمة

دمتم في النور

[ميثاق الهلالي]

خادمة الزهراء خروجك عن الموضوع كان أروع ماقلتي لأن العراق بحاجة إلى شباك

ولم اتفنن بالقصيدة قدر ماتفننت انتي بالتعبير الرائع

شكرا لثقتك العالية

وشكرا لمرورك

ميثاق

[ميثاق الهلالي]

أم عباس شكرا لك ولمرورك

ولتألقك انتي ايضا

دمتي مبدعة ايضا واختا كريمه

ميثاق

[ميثاق الهلالي]

مرحبا بك غرشه هنا

لاتخجلي فأن لكلماتك وقع امضى من حسام الشعر

مرحبا بك

ميثاق

[AL7USSINE]

ميثاق جميل ما تخطه يداك سلمت تلك الفكره الرائعه على هل قصيده الحزينه بوركت اخي
تحياتي لك
مناف

[جواد المنتفجي]

الحبيب والزميل ميثاق الهلالي.......... تتالق دائما هكذا ........ حتى ان آنات همساتك ما عادت الا ان تقضي مضاجعي ... كن هكذا ابد حبيبا مخلصا و.......... فطنتني............
فطنتني جنت ناسي
وجرحي دخلك لا تلجمه
خلني ناسي
بعد ما أكدر أعاتب
شاب راسي
وسنين عمري الفرهدتهه
عاد كافي
لو صرت انته الكمر
ما أريد انه نورك
خلني أعيش أيامي ظلمه
ما أريد انه نورك
هاي من الله قسمتي
خوش عندك كلب قاسي
خلني ناسي
يالعفتني الليل أهوشن
وظلت عيوني بدرب اظلم تتاني
وردت الغربة اليّه
والوحشه لأيامي الهنيه
وبالمدامع بدلت
ضحكت شفافي
يا لعدل أوي أيامي
من كثر ما جنت احبك
ما حسبت أنت تجافي
يا لشلت سهرك بعيني
ونمت أنت نوم العوافي
رحمه لأهلك
الله يرضى عليك
عاد كافي
....... اخيك
جواد المنتفجي

[ميثاق الهلالي]

شكرا لكم اخوتي وسادتي أولا

مودتي لعراقيتكم وجراحكم التي تنزف قصائدا ودمع

الحسيني شكرا لك ياطيب

المنتفجي استاذي الرائع

إنك مبدع حقا وفي كل مجال


مودتي

ميثاق

[ناصر الصدر]

لأبناء الناصرية الحق ان يتفاخروا بأن لهم اخ مثلك يا ميثاق . حقيقة الناصرية ولدت الكثير من الشعراء وان عديتهم لن اتخطاك . بوركت ياصوت الناصرية الفيحاء

[ميثاق الهلالي]

مرحبا بك أخي ناصر الصدر

حقيقة إنك تحملني مسؤلية كبرى

أدعو من الله ان أكونت قدرها

محبتي

ميثاق

[nono]

الى ميثاق اللهم ادخلهوا الجنة بحق الحسين (عليه السلام)

[ميثاق الهلالي]

شكرا يانونو على احلى رد


أمنياتي لك

بنفس الدعاء الف مرة

ميثاق