لهفة الغياب:هذه القصيدة كتبتها عند وصولي الى وطني الغالي العراق

[ابو علي]

[grade="00008B FF6347 008000 4B0082"]اجة اليوم الذكرت سنين
عـــمري الفاتت امـــــــن صباي
عطشان لتربتك ياوطن ملهوف
ازود مـــــن عـــــطش للمـــــــــــاي
من عفتك صرت محتار
وين امــــــــشي وبعد منــــــــــواي
مشيت ولادريت شلون
محتار بخطوتي وضايع بممشاي
حرت واحتار دلالي
وهذني جروحي هــــــــاي وهاي
اجيتك شايل همومي
وغــــــربتي مشكبن انه ويـــاي
عفتك محزن ومهموم
ودموعي التباريني بطرف عيناي
مشيت بغصب موش الغاية مليت
تعيش انت بضميري وتسري بدماي
شلون انساك وانت العايش اويه الروح
مو اني العليل وانت لـــيــــة دواي
حكك لو تعاتب ياوطن تختاض
حـــــكك من تلــــوم وتنشد الـــجاي
حكك من تعاتب ياوطن معذور
اخبرنك جفيت سنين عنك هايم بدناي
احب تراب كاعك اعتذر ناديت
انت التاج الية شلون اظل وداي
اجيتك هايم وملهوف
مغصوب بجفاك وانت فصل الراي
افرح وابتشر لاتحزن اتراجك
اندهنك واصيح بصوت ياملجاي
ادك بابك اجيتك ياشريج الروح
اســــــمع ونتي والـــــهـــــــــافــي
لفاك الجان محروم
ويريد زيارة اهــل البيت عـــناي
جاي لحضرة الكراراندبة اليوم
اسجب دمـــعتـــي وشــــجـــــــــاي
اجاك الجان مهموم وسلوتة دموع
يريد يموت بترابك يسلواي
اتوسد ترابك واحظن الشتلات
واشجيلك غربتي وعظم بلـــــــواي
[/grade]

[محمد الشمري]

مشكور علا القصيده ابو علي ياريت تزيدنا بالقصايد