عسر الوكت

[ام عباس]

«®°·.¸.•°°·.¸¸.•°°·.¸.•°®»[align=center]اكابر واضحك بسكتة
وانا المجروح ومن ضيم الوكت علته
واداري جروح كلبي واحبس الدمعات
وياعسر الوكت اشكثر كاونته
يلاويني الدهر وانتجي اعله الريح
بس مايوم انحنيت وراسي دنكته
اشيل هموم غيري وهمي اراوح بيه
ولافد يوم سر غيري انا بعته
ادك روحي دوة لمعاشر الطيبين
واعاهد بالوفة وللعهد ماخنته
اغصن بالعسر واتعارك وية الروج
ويعتني الوكت بجدامة فد عته
الوجن بالصبر واتخاوة ويه الضيم
ويلومونة الخلك لو مادرو سالفته
صدك كالو علي مغرور
ومايتحاجة وشايف روحة فد فلته
اشعجب صار الينازع بهل وكت مغرور
جاهية المنية تجبره عل السكته
يشل اجروح صدره ويمسح الاهات
ويغافل الم روحة ويضحك بسكته
ويغافل الم روحة ويضحك بسكته [/align]«®°·.¸.•°°·.¸¸.•°°·.¸.•°®»

[اسامة السلامي]

جميل جدا اختي العزيزة .. تمنياتي لكي بالموفقية والنجاح الدائم ان شاء الله..

[ام عباس]

شكرا لك اخي الكريم اسامة السلامي والتوفيق للجميع ان شاء الله

[منازار]

[align=center]يلاويني الدهر وانتجي اعله الريح
بس مايوم انحنيت وراسي دنكته[/align]



سلمت يداك اختي ام عباس

[ام عباس]

وتسلم ايدك اختي العزيزة منازار
تحياتي الخالصة لك