 |
-
 رده حسينيه وموشح بمناسبة اربعين الحسين (ع):
رَدّه حُسينيه:
نمـشي عالـهامات نـتـعنه ونجـيـله
مانعـوف حسـين عاهـدنـه العـقيـله
خلها من عدنه تطير احنه الجفوف
اغله من عـباس مانلـكـه ونـشـوف
مانعـوف حسـين عاهــدنه العـقيـله
------------------------
بالدماء نكتبت حروف العـقـيده
حسين هوه الدين عنوان وبريده
جينه من ذي قار شيب احنه وشباب
واليصير ايصير نـحضر مـو غـياب
مانعوف حسين عاهدنه العقيله
---------------------------
موشح عن لسان زينب في اربعين الحسين(ع):
لا يحادي بالـك تنسيني
آنه اريد لكربله توديني
----------------------
آنه اريد اوكف وعاين عالطفـوف
وارد ادوّر وين صارن هالجفوف
ولو عيــني ابـد ما تـكـدر تـشـوف
اشوفه كلبي ويدري امتانيني
----------------------
عالشريعه الكلب منّي ظل يطوف
نريد يـمه الــيـوم نـتعـنـه ضـيـوف
من جنـت ويـاه ما مر علي خـوف
هسه من خوفي العـده واليني
---------------------
لا تـكـلي ويــن تـلـكـيـن الــكــمر
ادري بيه هناك طاح اعله النهر
راح بيـده الجـود مـارد واعـتـذر
اشلون ارد وشرد اكل لحسيني
-----------------------
اشلون ارد وشــرد اـكل للعـايـله
عيونهم عالمـاي ظـلـت هامـلـه
وشرد اكل السكنه لو كالت هله
هذا مااكدر عليه ياذيني
-----------------------
لا تظـن يالــحادي مــا نــلـكـه اثــر
حسين كبره بكلب كل شيعي انحفر
ابــد ميـضـيع النـقـش فـوك الـحـجـر
وكل محب ايكول ساكن عيني
----------------------------
لو وصلت وما لكيت انه هلي
لا تكلي وين جفين الولي
ومن يشيل وياي ويحط محملي
يسل دمعي وتهمل دم عيني
------------------------
لو وصلت الكربله نحّي الابل
انه اخاف اعلى الحرم لا تنذهل
بلا شعور اطيح من عدها وتجل
فوك كبر حسين وتناديني
-------------------
ارد اعاين وين مدفون الرضيع
هناك ويه حسين وبجرحه الوسيع
شبع مو عطشان من دمه النجيع
بهاي كافي يالمحب واسيني
--------------------
وين الاكبر وين جاسم وين وين
حرت انده يااسم غير الحسين
اشلن اكضّي ابغيرهم هاي السنين
وشلّي بايامي انه وسنيني
-----------------------
حسين اصيحن مايرد منّه جواب
اكعد وعاين يخويه اعلى الرباب
وهذي ليله تريد وياك العتاب
تروح عنّي ليش وتخليني
---------------------
انه زينب تعرف ويامن اجيت
ويه ابو فاضل فلا غيره نخيت
شرد اجاوب لونشد عنكم البيت
وللعليله من تجي تحييني
--------------------
شرد اجاوب واعتذر لام البنين
ادري بيها اعلى الدرب شبحت العين
مايهمها الصار وتريد الحسين
احجي شنهي الصار بيه سمعيني
----------------------
ماكو مثل حسين مظلوم انتصر
بهاي منّه تعلمت كل البشر
اليضحي الدينه يربح ما خسر
حسين كلها اتكول اله وديني
---------------------
حسين آيه اتنورت بيها العصور
الناس كلها تعتني ليه وتزور
صوتهم مسموع بالحضره ويدور
غير حب حسين من يحميني
----------------------
آنه اريد اشكيهم الجدي الرسول
وارد اخبره اصار باولاد البتول
لا تظن يالحادي يسكت ما يكول
مو غريبه اعلى الطلع من ديني
----------------------
-
لا فتى الا علي لا سيف لا ذو الفقار
-
ضوابط المشاركة
- لا تستطيع إضافة مواضيع جديدة
- لا تستطيع الرد على المواضيع
- لا تستطيع إرفاق ملفات
- لا تستطيع تعديل مشاركاتك
-
قوانين المنتدى
|
 |
رد مع اقتباس
