الى المدافعين عن الباطل

**عمار ابوزيدون** · 13-10-2002, 23:57

مو مثلك ذليل واكدر اتلوك
انا ابن المراجل والفخر والحك
علمني الكصب ماهادن العفنين
مارد اللسان واحجي طك بطك
لاقلمي المدح حجاية الوجهين
ولاجفي لعميل من الرعب صفك
ثابت عل العقيده وحب ابو الحسنين
شما غرب وكتنه بناسه وشرك
ضميري بكل شرف شايل محبة الناس
واخجل من دجلكم يازفر واعرك
انا ابن الفشك ماساومت دجال
حضري لي الحبل من رادني اتعلك
يلابس قناع الدين -- بطل عاد
ماظلك عذر وقناعك تشكك
انا من النخل ماخذ معزة الروح
مابيع العراق واكعد تلوك
علمني الصدر حب الوطن طوفان
واليعشك تربته يحول ويغرك
وعلمني الفخر باب وتكصده الناس
وبايد الشهامه بكل وكت يندك
وعلمني-- الجرح يغله بمحبة الناس
ويفيض بحنين لاهله من يعتك
انا ابن الصدر--درب الشرف والطيب
ماتعبر حرثتي اجدامك وتزلك
دورلك ترس مثلك -- اتحرش بيه
لاتكرب ثنيتي وبالصخر تندك
نفسي انا طويل ورحي روح الهور
وانته ابن العماله وبالعجل تزهك

**كوثر** · 14-10-2002, 17:22

الله يعطيك العافية

علمني الصدر حب الوطن طوفان
واليعشك تربته يحول ويغرك

الله يوفقك لكل خير

**salam** · 22-10-2002, 00:12

بسم الله الرحمن الرحيم
اخويه ابو زيدون اتبدع يا حنين .
الله ايثبتك على دينك وينصرك .

الموضوع: الى المدافعين عن الباطل

أدوات الموضوع

الى المدافعين عن الباطل

صح اللسانك

المواضيع المتشابهه

قبيلة زبيد ............

ملف خاص ..عن تهجير العوائل الشيعيه في العراق

فقه التغيير بين سيد قطب والسيد الشهيد محمد باقر الصدر-الدكتور أحمد راسم النفيس

سلسلة كيف نربي أطفالنا / أحسن الافعال في تربيةالاطفال

الدعوة الخبرية"نشرة خبرية تصدر عن "حزب الدعوة الاسلامية في العراق"

ضوابط المشاركة