الى الحسين(ع) بمناسبة الاربعين/ كريم خلف الغالبي

[السيد كريم الغالبي]

قصيدة/على لسان السيده زينب(ع):

يا شـيعـه لا تـنـسوني- بــيوم الحشــر تلكــونـي
احضر واسولف قصتي- وانه الشفيعه الشيعتي
الكم تصد عيوني
------------------------------------------
من بعـد مَ حسين انـذبـح- ما بـكـت بيــهم غـيره
وادري المحب عـينه تصد- لـينه ويـظـل بحـيره
وبكل زمـن هــذا الحقــــد- معروف منهو يديره
نفس الشــمر ذاك الاجــه- لا مــا اجـاكــم غـيره

مالـوم كلبي من صحت- ياشيعـه نوحوا لو نحت
لجل المحب صدكوني
------------------------------------------
يا شيعي لـتبيع الوطـن- وافــديه مــثل حســـينك
غالي وابـد ماله ثــمـن- خــليه بــيــن عــــيـونـك
والدنـيه ماتـسـوه ابــد- لا تــنحرف عــن ديـــنك
لجلك لجل هاي الارض- نـخــوه وهـلك ناخيـنك

وادريبك انت شكد شهم- يـوم التهب ما تنكحم
مـتبيع لـو باعـونـي
-------------------------------------------
زينب انـه وتدري اشكثر- مرت عـليه امصايب
غياب اكــولن واصـبرت- مـارجـع مــنهم غايب
حيلي انهـدم واتحمــلت- مصـيوب كلبي وعايـب
لا جـن فلا يـبـقـه الظلــم- منكوس سيفه وخايــب

مامات حر بهـالارض- واجب نذكره بكل فرض
يا شيعه بيه واسـوني
------------------------------------------
دمنه الغسل هـاي الارض- لا زم تــشـع انـواره
وصوت الصرخ لاماسكت- تهـتف بـقـت ثـواره
ودربك يـــبو الـيـمه يظــل- مــا تـنـــكطـع زواره
والعــال بــيكـم ما بــقــه- شفـنه وشهــدنه اخباره
شارتنه بيهــم بيـنـت- مـنكم حـظـينه بهــالبخـت
نعله وعدونه الدوني
------------------------------------------
نزال:
يحسين بحبك جنينـه
ياسـاكن روحي وشـرياني
ما بـيه واحـد غـيرك ثاني
فـدوه تروح اهـلي وخوّاني
الطـاريـّك لــو مـر اعــلينه
----------------------
وقعــنه بـدمـنـــه وبايعـــنه
لآخر قـطره تظل من دمنه
لحســـين ومـحّـــد يـمـنـعـنه
ثابــت بــكلـــوب محــبيــنه
----------------------
بدروبـك نمـشي ومانـتعـب
بيك يـتعنون هـذا الـمذهــب
ياهـو المثلك ويـنه امجرب
دورنه اهـوايه ومـلكـيــــنه
----------------------
لــــولاكـم مــــا صـــــاير آدم
مــات وانـت احـيـيـت العـالم
وي غــيـرك لا مـا نـتـوالم
وكـل الــوادم تـعـرف بـيـنــه
------------------------
كبتك كعبه وكبرك مصحف
وبسـمك هـذا الكـون اتـشرف
ممـشه المايكدر ظل يـزحف
ودروبـك هـيــه الــتحــمـيــنه
------------------------
معـذور اللي تجري ادمـوعه
مـيبــطل وتــحن اضـلـــوعـه
جي لاءك ظلّـت مـسمـوعـه
ثابـت بـــكلــوب امــحبـــيـنه
------------------------
اشماتـغـله الروح انـضحيلك
من نـمشي ادروب التمشيلك
بيك اتـلـوذ اتـصـيـح ادخيـلك
حتى الــدنيـا المـالــت بـيـنـه

------------------------
كلها اتـريـدك ســنه وشـيعـه
ومـحد غـيرك احنه انـطيعه
والـنومـاس اشـــلـون انبـيعـه
وبـهــاي الـروح مـخلّيـــــنـه
------------------------
كــال حسـيـن وياهــو المـثـله
وخــل يسـمعـها الـعـالم كـلـه
مـانــقــبـل هـيــهـات الـــذلـه
عـالـيـن وبــيـك اتـعـلـــيـــنـه

-----------------------

[الذهبي]

سلمت يداك اخي على هذه القصيدة الاكثر من الرائعة واتمنى من الجميع قرائتها لما فيها من المعاني السامية النبيلة ...
ممممممممممممممممممممممممممشكور .
تحياتي لك

[السيد كريم الغالبي]

كل حرف في حسيـن ذهــب
انه الشمس و من ذا يحجب
فلك الـــشكر اخي يا مذهبي
زاد في الشـوق اليك الطلـب

كريم خلف

[maryam]

اللهةةةةةةةةةةةةةةةةةةةةةةةةةةةةةةةةةةةةةةةةةةةةةة ةةةةةةةةةةةةةةةةةةةةةةةةةةةةةةةةةةةةة
اللهةةةةةةةةةةةةةةةةةةةةةةةةةةةةةةةةة
اللةةةةةةةةةةةةةةةةةةةةةةةةةةة
كلمات في غايت الرونقة ولجمال يا ترى من كتبت هذه الكلمات الجميلة كم دمعة من عينك نزلت

عاشت ايدك

تحياتي

مريم

[ام عباس]

بارك الله بيك اخي كريم وماجور ان شاء الله

بالتوفيق

ام عباس

[جواد المنتفجي]

الاخ العزيز الغالبي....
عظم الله اجوركم بهذ المصاب الجلل... ستبقى دوما القا في طريق الابداع
اين انت يااخي لقد بحثت عنك كثيرا ولم اجدك..
انا مشغول هذه الايام كثيرا بالبحث عن ابن اختي وزوجته وطفلته البالغة من العمرستة اشهر بعدما خطفوهم التكفيريين منذ ستين يوما على طريق بغداد وساعلمكم لاحقا بمستجدات الامور
اخيك وحبيبك
جود المنتفجي

[محمد يحيى محمد معوض]

[list]
[glow=00FFFF][blink][frame="8 80"] العراق للعراقيين[/frame][/list][/blink][/glow]