طبع الجروح تخلف نياشين
تذكروهه خاف أنتو ناسين
نفس الهويه ونفس العراق
وبنفس الرافدين إحنه متروين
أيام وليالي وهوايه السنين
تجرعنه الصبر وشربنه الأمرين
نزعتوا ثوب الأخوه ليش ؟؟
وبشداد الحقد صرتوا متحزمين

ولكم.. الحيايه ماتوكَف بأرض
إذا ما لاكَت بيها زواغير
ناس من الجرم نكروهم أهلهم
وانتم تهرولتم وراهم طوابير

طبع الجروح تخلف نياشين
وجلدنه ماتحله بيه غير الجروح
تعلمنه الموت هو الحياة
تعلمناه من الأمام الطاح مذبوح
ماهزت هممنه طواغيت ودول
وأشكال الأمارات التجي وتروح
بولاية علي تثبت الرايات
وبزود العقيده مايظل حمل مطروح
تخطيتوا كل خط للصبر مكَدور
وبصراحه أكثر كل المحاذير
إحنه ماتخلصنه أحزمه وأنفجارات
باجر تصفي العجاجه وشنهو المعاذير

وصلت للعظم طكَات القريب
ومن كَد الذبح عميت سجاجينه
جاوين العهد ومحالف الخوان ؟؟
غدركم للروح وصلت تجاريحه
لو طاحت كَبب نبنيهه ونكبرهه
ومن تموت الناس الله واليهه
تبرى الجروح والتاريخ يلجمهه
وعمر الجرح ما ينسه تاريخه
كَريب اليوم ويشرد ها الغريب
كَبلهم شرد من صرخه ومكَاوير
راية علي ترف بعراق الموالين
ترتفع بيد أهله المغاوير