وين اتروح
[poem=font="Simplified Arabic,6,blue,bold,normal" bkcolor="transparent" bkimage="" border="none,6,gray" type=0 line=0 align=center use=ex num="0,black"]
وين تروح
.....
يلخلص عمرك ماسي ونوح
مامش مفر وين تروح
مسدود باب الفرح
وبس باب الحزن مفتوح
...
...وين تروح...
...
يلظحكك مكابر چذب
وسرك يهابه البوح
الكل عشگ تلگة ستر
بس عشگ الوطن مفظوح
...
وين تروح
...
فظحت اعيونك دمعتك
لچن صبرك سفينةنوح
بهيدة ينزف الملچوم
بس نزفك نزف مجروح
...
...وين تروح...
...
اذا مزروع الوطن موت
وريح احقاد گاعه تفوح
اذا بعد خطوه التريد
وما عندك ايد اتلوح
...
...وين اتروح...
...
ومنين ما تلتاف مصرع
وصوت العقيلة اتنوح
عطش وچفوف امبتره
ومنظر طفل مذبوح
...
...وين اتروح...
...
يلمشتهي شوفت هلك
وبكل كتر بيك اجروح
طبع كلما تون
تفگد احباب الروح
...
...وين اتروح...
...
صح غفلة بزلك جنح
وصح باب القفص مفتوح
بس عينك تشوف الشبچ
وتميز المسموح
...
...وين اتروح...
...
گبل ياخذ هدايا
ويمشي بصدر مشروح
وهسه ياخذ چفن
الراد لاهله يروح
...
... وين اتروح...
...
يلخلص عمرك ماسي ونوح
مامش مفر وين اتروح[/poem]
كتبت هذه القصيدة
بتاريخ 170406
اثناء قرائتي قصيدة ما اسافر
للصديق العزيز والقريب من القلب
مناف الحسيني
اهدية له ولكم رواد منتدانا الجميل
راجي ان تنول اعجابكم
اخيكم
محمد لشاوي
رد مع اقتباس
[/align]
