/// اهداء ///

الى امي ودمعهه اوعتبت الباب

والى جيرانه اولد المحله

الى شارعنه ذاك المني اخذ لون


وحايط بيتنه اليبجي اعله ظله

الى من علمتني الدار والدور

وكل ذكرى اكتبتهه بثاني رحله

سلام وزعل غربه وجرح وعتاب

وحنين اوشوك ما ممكن اجهله

نعم كالو الغايب حجته اويها

بس ماينسه نفسه وناسه وهله

هلي اتمنيت جفني اينام لحظات

وشيل اطيوفكم برموشي كحله

ولو ما فاركتني اوجوهكم يوم

وصوركم للدمع ماتنطي مهله

لاكن كبر جرحي اولاحني الشيب

وسنين الصبر صارت ممله

عليه اخباركم ضاعت فرد نوب

اولغز افراكم ماعرف احله

كل ماعندي اون وذكركم ابخير

وسولف للكمر عنكم وسئله

صدك من بعد كل هاي المسافات

معقوله الفرات ايلاكي دجله
***************************************


//////// تقبلو محبتي ///////////////


حسين الشميساوي****