يبو تراب الفقر مذنب واجاك يتوب نزع نعل المذلة وهل وصل بابك

شكد حاول يمنعك كبل عن الناس وانته ولا رضيت اتفارك احبابك

ومحد يدري من تتفكد الايتام ويعرفونك تجي من ريحة اترابك

يا جلمة الحق الما لواهه الموت وادخيلك اجاك ايكلك اصوابك

ويبو تراب شكلك تحجي يا مولاي من جثمان اهلنه بيوت سوينه

من روس الزلم دكينه ساس البيت وبضلوع الشباب سكوف خلينه

وطن لو مكبرة ما ندري يا بو تراب وبدم الايتام الوطن بانينه

وطن يا سيدي خلصت حلاة البيه ومر هسه بحلكنه انكلب برحينه

المزارع سيدي مزروعة كله جنود وذا تسكيه حرب ينولد جندينه

وساحات المعارك خضرت شبان وحاصرنه العطش والماي دك بينه

ويبو تراب الوطن مابيه ولا عريس تسابكنه بعشك عالموت ركضينه

وهنياله اليحصلكبر بيثه ايموت كل (10) بكبر مولاي صفينه

شحجيلك صدك صدكني يابو تراب تطشرنه ومحد يلم بينه

ويبو تراب شكلك والحزن ويه الروح والحسرة الاذبه بصدري سجينه

سل سيفك علينه الصنم للحين ما طاح وجن ظلينه كلمن دمعته بعينه

لفايف عالوطن ملفوف بس ثا رات وبس جدحه شرارة ويشتعل بينه

يا جربه الشيعة الماخلت فد يوم وكل ما يمر اسمك بينه يروينه

وانت الغيرة اجتك حرمة يا مولاي ودخيلك ياعلي ونكلك احمينه

يبو الفقرة الابد ما رخصتهم يوم يتيم ابن العراق انريدك تعينه

يتيم ابن العراق انريدك تعينه