 |
-
 يا عيد مر بينه ... /حسن حاتم المذكور
[align=center]يا عيد مر بينه ...
حسن حاتم المذكور
22/10/2006
اليوم عيد .. ومثل ما جاء غادرتنا اعياد ’ والحزن الملثم على الأبواب .. يحاصر الفرح فينا .. ترملت بغداد وعلى وجهها ذاك الذي كان جميلاً’عاهات حفرتها مفخخات سياسة الأرتزاق والثقافة اللأوطنية ووحشية الجريمة المنظمة ’ وجرحت صدرها ذاك الذي اختزن منابع الخير والمودة والتسامح والسلام بين الأبناء .. رضعنا منه حب الوطن وعشق الناس .
بغداد ورغم نزيفها وعذاباتها واوجاعها يبقى الفرح فيها ازلياً يصارع حزنها وينتصر .
اليوم عيد .. وبغداد تدعونا ان نحتفل معها وعيوننا ترحل الى سمائها الأجمل لتعانق ذاك الهلال الذي ينتظر لتأتي به عيداً ..فرحاً .. بهجة.. وسفرة زاهية بلون الحنة ’ عامرة تلتقي حولها المدن العراقية لتغتسل في حضرتها من اوحال الطغات والغزات والعاقين .. وتعاهدها على الوفاء والأخلاص والمحبة والتلاحم داخل خيمــة العراق الموحــد .
اليوم عيد .. ستستيقظ بغداد والحنــة رائعاً على كفيها .. والكحل مبتسماً بين رمشيها وعطر الأمومة يفيض على وجوه اهلها .. وحولها مدن كردستان والوسط والجنوب ’ حبائب ازمنة العراق الجميلة .. يقرعن دفوف الأيام الحلوة وينشدن اغاني العشق الأنساني والتلاحم التاريخي والتوحد المستقبلي .
يغزلن خيوط الآخوة والعشرة والثقة والفداء .. تلك التي قطعتها سكاكين الأيام السوداء .
اليوم عيد ... تنهض بغداد... مغتسلة بالندى وبسمات الفجر... يستيقض معها الحلم ربيعاً .. وجدائل التخيل تقطر الفيء وعسل الألفــة .. ويبتسم الأمان في قلوب الناس ... تتراقص شتلات الحب والآخاء وتتعانق رياح الشمل .. وترحل مهزومة غيوم الفتنة الكريهة .
اليوم عيد ... ستحتفل بغداد ويحتفل معها العراق بأهله .. علينا هنا نحن ابناء التهجير المؤبد وهجرة اللاعودة .. ابناء ذلك الوطن المحاصر بجحافل الغدر والفتنة وحرق الهوية المشتركة ... علينا ان يكون الفرح فينا اكبر من الحزن .. نشارك بغداد فرحتها .. نحتفل مع اهلنا واحبائنا وينتصر الفرح فينا على اوجاع الحزن.
يا عيد مر بينه
يا عيد مر بينه ــ مر اسأل اشبينه
الوكت لو غيم حزن ــ يبقى الفرح بينــه
.........
يا عيد لعيونك نداوي الجرح
ياعيد للديره يلوگ الفرح
يا عيد طال الليل.. وين الصبح
يضحك ترافــه بوجــه اهالينــه
بعده الفرح بينه ــ يا عيد مر بينــه
........
احنــه الزرعنــه الفرح فوگ الشفه بسمات
نسهر... ونغزل گمر لخدود البنيات
يا عيد لا تبتعد ــ بعد الحلم ما مات
بگلوبنــه بعدة العشگ شوغات
افيش يا عطر المحنــه بحضـن اهالينــه
بعده الفرح بينــه ـــ ياعيد مر بينــه
..........
بيد امي عيديــه فرح للناس
وهلال بعيون الطفل
ومه تكابر حزن
بس ما تنزل الراس
لو مال بيهــه الوكت
لو بجت
يمسح الدمعه علي
ويبوسهــه العباس
جرغد بنات الصبربيرغ لهالينــه
بعده الفرح بينه يا عيد مر بينه
....
يا عيد بعيوني سهر ونتظر
جيــة هلالك بالثنيــه يمر
يشيل فتنــة ليل ويخضر فجر
يجمع شملنــه وشمل اهالينــه
بعده الفرح بينــه ــ يا عيد مر بينــه
......
يا عيد چنــه ورد ... بستانــه الديره
بوجنا تنــه تضحك شمس
روج السمــه
بعيونــه شايل زعل غيره
بدروبنــه ويــه الگمر لعبينــه طفيره
احنــه بنات الفرح ... روح الأهالينــه
كلهم تره بعده الفرح بينه ــ ياعيد مر بينــه
..........
احنــه بنات الشمس بعيونــه دمعــه
مات الوكت بصدورنــه وترملت شمعــه
خضر گلبنـه عشگ يا شوغــة الجمعــه
برموشنــه مرود نحل
لمــة شمل ... احنــه واهالينــــه
بعده الفرح بينــه ـــ ياعيد مر بينــه
[/align]
-
[align=center]يا عيد مر بينه
يا عيد مر بينه ــ مر اسأل اشبينه
الوكت لو غيم حزن ــ يبقى الفرح بينــه [/align]
-
الوكت لو غيم حزن ــ يبقى الفرح بينــه
-------------
تسلم اخي على نقلك هذه القصيدة الرائعة
يا محوّل الحول والاحوال ، حوّل حالنا إلى أحسن الحال......
ضوابط المشاركة
- لا تستطيع إضافة مواضيع جديدة
- لا تستطيع الرد على المواضيع
- لا تستطيع إرفاق ملفات
- لا تستطيع تعديل مشاركاتك
-
قوانين المنتدى
|
 |
رد مع اقتباس
