قصيدة شعبية للشاعر جواد الحمراني
انا الشعب العراقي العرض بالطول
خليط حدودهه انياب الذئابي
انا الشعب الشطبني خصه الاعراب
اسد وارضه بحمه اولاد الغرابي
لان چان الوطن من زاخو للهور
ادانه وريحة التهمه بثيابي
ردت وصلة شريف بذيچ الاوحال
وادگ باب الگعد عمره اعله بابي
شفت ذلة شعب مدفوعة اثمان
البشر باعو وطنهم للمرابي
اذا ربك دفعلي ابعد الناس
شافو مذبح وذبوا جوابي
واخوتنه الهي اولاد يعقوب
نفقهم اسود بلون اغترابي
يحن گلب الكفر وگلوبهم سيف
وشرب حفل العرب من دم مصابي
ارد نكسات وارگع چم فتگ لوط
ولا بيهم جدير يتم نصابي
عراق ويا عراق ويا شعب ليش
الاهل متريد عمرك والصحابي
الملح ماصخ ويا خبزك حرامات
اشردو من فضل ذاك الثوابي
على وجه العرب انكتهه الاسماء
واذري عيونهه برمل ارتيابي
اشك بيا نسب عدنان قحطان
اشك بفراشهن لو بنتسابي
وك اعيرهه بتركيا وچم الف طاح
ويا ملك اعله جف رابين رابي .. واگول شچم رئيس هناك رابي
واگول بچم گرش باعو فلسطين
واجو تجار يبچون برحابي
فرنسا الهذا يوم الله اعله لبنان
قانون العصه بظهر الدوابي
وك جولان العرب لليوم مغصوب
دحررهه وتعال اصبح ارهابي
انا الحاميك من طبولك البيت
انه القينقاع وصرت جابي
مفتاح العواصم بيد داود
وخمر زنجر على روس الحرابي
جامعمن يبو جامعة الذيول
يمعرس على اطلالي وخرابي
اذا رغده سفيرك بالملمات
سفيرك يلمع بين الروابي
سفيرك دبلوماسي يحاور بليل
ولا خجل عروبة انتصابي
شوارب ما بقت عندي وارضيك
ونصف دولار ما باقي بحسابي
ابن بله اخذهن كلهن وياه
گبل لا ينزل بسيده العقابي
ما عندي وكت ارشي المآفين
وصلت الفهرس وخلص كتابي
ما عندي وكت لبطون الوفود
بقت ساعات لطفالي وشبابي
تعال امشي بطريقي ودوس الالغام
تعال ادخل امن جرب عذابي
بيمن ابتلي بعظام الالاف
ابيتي المحترگ لو بغتصابي
انه البيه صرع الضملك الخيط
وارسملك فجر وانه بعصابي
مطر غيم النفط بدياركم خير
وعليّ يمطر جمر نفس السحابي
ماچانت الفاو السعد زغلول
ولا كركوك مال احمد عرابي
تسبحون ابحمد صدام لليوم
وتعبدونه العريف الانقلابي
شبيه الشئ روحه بروح هالشئ
وعلى صنفه يحن جمع اذبابي
هنيئا يا عرب ابچو اعله صدام
شتلم جثة البعث غير الكلابي
بعدني اويه الظلام اتلمس الگاع
وبعدني امخلبص بلم انتهابي
وبعدني امدوهن بغزل المعاريف
طهران اشأجاها اعله اضطرابي
تسنني ابهواهه اتريد نشاب
وتشيعني العجم بسم القبابي
صرت عربي ابتليت بهذه الاجناس
اشيلن هالوطن ونقل ترابي
وادحسهه اعله داحس واغبر الغبراء
واطلع اعصارهه وانده ضبابي
گبل لا انفجر واصبغلك الكون
واخذ ثار عمري واستلابي
وگبل لا حطك بعقلي ارد اوصيك
بس البس الخاكي افقد صوابي
انته وغيرك مجربهه وياي
گبل وعيونكم شافت غرابي
عراقي ومرتفع راسي اعله الاشراد
بعدني مسودن ورجلي بركابي
استعرض مثلكم لا والف لا
اتأمرك ابد هالشيمة مابي
انه ابن الحضارة وابن الحسين
واشرفك لو ردت يوم اصطحابي
اشطبهم يا شعب وتشوفهه شلون
تجيك احلوگهم تنزف لعابي
اشطب جامعتهم بيك نهرين
سم الجامعة يلوث شرابي
عمر موسى اسم وشلايگ اعليه
عاصي واشعث اثنينك خرابي
يا عربي الغسل دمعه اعله الگبور
يا عربي السئل ليش اكتئابي
يا عربي السئل صدام فد يوم
عن حبله اشأكل من هالرقابي
اريد احسب جماجم وابچي العظام
واحاكم باچر واقسي واعابي
واسد حلگ الجزيرة واطم صدام
واستورد شتائم للسبابي
واعلن كل عبيد الرشوة انجاس
العدل والمات حاظرهه وغيابي
اشطبهم يا شعب انته ابن الاحرار
وغيرك يا وطن ولد ؟؟؟؟؟؟؟؟؟؟؟؟؟؟؟؟؟؟
لا تبچي العرب لو صارو افخاذ
وچتاف ابطن ابگع غرابي
الشاعر المبدع جواد الحمراني
رد مع اقتباس
