موال زهيري الى ابي عبد الله الحسين عليه السلام

[الشاعر محمدالعيساوي]

ضامي وكصدت بشغف يا سيدي منهلك

والروح في خدمتك طول العمر منهلك

راجي ثوابي غداً يبن الوصي منهلك


من حيث انته الذي عالحوض توكف غدن

وصدورنه من اللطم مولاي سودن غدن

حاولو ما نوصلك بيام كشره غدن


وبياده رغم المنع كلمن حزم راحله

لكبرك اجت شيعتك عن الاهل راحله

الطاف في حضرتك شا شكثر راحله


مأجورة يا سيدي اجدام الك تسعه

وتصيح يا مرحبه بيبان الك تسعه

مو كربلاء وقسم الكل اليجي تسعه


بوجه اليضدكم يبن خير العمل صحنه

سكان كل الارض يا سعهه بس صحنه

كثرة شواهد إلك وانجان ما صحنه


اقسم وحك شاربك ماله حسن عاقبه

والمال عن نهجكم الله ثق عاقبه

خلي يشوف المضه سنين شكثر عاقبه


طول الدهر هالبكت صرخت رفض كربله

والي يزورك يجي ما تبقه ابد كربله

الماتبع خطكم لا تمره لا كربله


ومالوم يبقه عمر الدونكم من هلك

[حفيدة اهل البيت]

[align=center]حي الله الشاعر محمد العيساوي


وكل الشكر على هذه المشاركه الجميلة

تقبل تحياتي[/align]