جرح الحسين ع
[align=center]اللهم صل على محمد وال محمد
جرح الحسين عليه السلام [/align]
[poem=font="Times New Roman,5,black,normal,normal" bkcolor="transparent" bkimage="backgrounds/8.gif" border="none,4,gray" type=2 line=0 align=center use=ex num="0,black"]
ياجرح الطفوف المـا يلمـه اضمـاد=ويانحـر اليفيـده ضمـاد ونضمـده
أمن الابهر يسيل ونزفه حار وحـاد=وبجـرف الابـاء اتنومـس ونـدّه
صعد ضوّه الزوايا الاظلمت بالكـون=طش نوره وصفت عين الشمس رمده
بسيوف المنايه ايذوب حد كل سيـف=والشاطـر يهـج ويلـبـد بغـمـده
بس هذا الجرح شايل معاني السيـف=يضحك عالمنيـة وضحكتـه بحـدّه
مد روحه نهر كل ضفة معنى اتشيـل=وحـده ام الفـرج والثانيـة الشـده
يتفايـض كرامـة وعـزه ماتنضـام=وعيـون الحيـاة اتـروت ابـمـدّه
ماشايف جرح يضحك بوجه السيـف=وانطـاه بكـرم مـن طلـب مـاردّه
شال اطبـاع راعيّـه أبـيّ الضيـم=ماهزه الوكف سبعيـن الـف ضـده
من مثلة ايتبرهج منه ﮔلـب اعـداه=يخطيلـه الجـدم ذبـاحـه ويــرده
صاحتله الرماح وصاح بيها حسيـن=أﮔبـل وأﮔبلـت واتصـوره بوحـده
مد روحه وفة ومد چفه غطّه الكـون=خيّـم عالطفـوف بـعـزم يتـحـده
يا فيّ اليتامـه ويـاروي العطشـان=ياسـور العدالـه النحتمـي بـسـده
ياكوسـر هوانـه العلّـم المايـوس=يتـوزر شهامـه وغيرتـه بـحٍـده
يالعزمك رمح شل كل رماح اعـداك=واتـعـﮔـّر الخيـل المالهـن عــده
من مثلك ترس حلﮓ المنية ابطـال=كرم حتـى برضيعـة النايـم بزنـده
ومن مثلك وﮔف والموت صف اوياه=شتل روحـه درع لاينسـحﮓ حـده
فزعت من وﮔف نبض الزلم يحسيـن=صدرك ناحر السيل وصـرت سـدّه
تتسـابگ نصـد العاديـات اعليـك=وجم سيف انفرك بظلوعـك وحـدّه
أشحالك من عطش چبدك يبو الاحرار=وطفّـك شـده ظلـت تتبـع الشـده
تلطّـخ بالمذلـة وشيّـب التـاريـخ=من شال النذل راسك ضـرب خـده[/poem]
[align=center][align=center]ابو رضا السماوي
13صفر1428هـ
النجف الاشرف [/align][/align]
رد مع اقتباس
[/align]
