[align=center]لولا علي
علي ... و اسمك علي
وياهو الوصلك يا علي
مرسوم بيك من السما
الا علي هو الولي
خسران دنيا و اخرة
كل اليضدك يا علي
ياباب انت لكل علم
كال الرسول العربي
يا عروة الله الوثقى
شهد لحمي و شهد دمي
وانت يا دنيا اشهدي
يا علم ربي علسراط
باجر ينادي المنادي
حان يوم الموعد
يا حبل الله المتين
اليجلب بيك ما ضن
يرد منك مختلي
شكتب شوصف سيدي
والقلم يمك ينحني
انت تشرف كل قلم
لو كتب عنك سيدي
ولو كتبت اقلام البشر
نقطة ببحرك ما تجي
سيف المنايا على العدا
ذو الفقار شاهد علحجي
والباب شاهد هم بعد
ما رد على اصله الاولي
وشماكلت و شما حجو
شاهد عليمن من يجي
يكفي اكولن بس علي
يعني الله شاهد و النبي
انت الحكيم لكل زمن
ومثلك ولا رايح يجي
نهج البلاغة وآل بيتك
كل وكت منهم نرتوي
والي عرف و الما عرف
معقولة بالميزان يطلع مستوي
ويهلك عمر لولا علي
ولولا علي آل علي
كل احنا نهلك يا علي
وهسة ابن لادن يجيني
يريدني انسى و اعوفن مذهبي
وحتى يعلنله امارة
ويصير من بعد النبي
جايني بفتنة جديدة
يحجي بلسان اخوي
يكول عني رافضي
ويريدني اغلط بحقه
وعنه اكولن ناصبي
وانا خلصت العمر
وياه صافي و مصطفي
وابن لادن كل حساباته دنيئة
راح فجر قبة امامي
وهذا يثبتلك غبي
ما درة بانيله قبة
بروحي انا العسكري
وواحد متيه يجيك
يكول كل شيعي
ولا ئه فارسي
خلي يثبت بالبداية
هو اصلا عربي
مو كبل كم يوم
جده فرعون وتفرعن ما يبي
انا ادري مغثوث مني
أي نعم...............
مو عصى موسى طلعتله علي
وراح اعيش واح اموت
وراح اضلن جعفري
واليكلي تغالي انت
راح اكولن يحلى لي
وراح اكله...
لا ولي الا علي
لا ولي الا علي
جواد الفراتي
10-3-2008[/align]
رد مع اقتباس
