أتاني هذا الخبر العاجل

[رافد الغزي]

السلام عليكم

أتاني هذا الخبر: ((لقد تم حذف أسمك من قرعة توزيع الاراضي الخاصه بموظفي الدوله وذلك لأستشهاد زوجتك وأبنتك مما قلل من نقاطك المؤهله ))

ألموظف في بلدية محافظة ذي قار قال لأخي الذي كلفته بالموضوع ((يا أخي صوجكم ليش جبتو قيد دار مذكور بي أنو زوجة اخوك وبنته شهداء))

!!!!!!!!!!!!!!!!!!!!!!!!!!!!!

الفقره الاولى
آسف لقد أجرمت حين أستشهدت زوجتي وأبنتي مما دعى البلديه المذكوره لحذف اسمي من القرعه


الفقره الثانيه
أسف لقد أجرمت كوني لم أزور مما دعى البلديه لحذف اسمي من القرعه


لله الشكوى وسيأتي اليوم الذي ترد فيه الحقوق
وأترك التعليق لكم
تحياتي واحترامي
يحفظكم الله

[babil]

مشكلتك انك لست بعثيا ( أجلّك الله)
لو كنت من تلك العصابة القبيحة لنالك السرور ولوصلك المال والتقاعد والتعويضات الى دارك.
( هذا هو واقع الحال)

[رافد الغزي]

مشكلتك انك لست بعثيا ( أجلّك الله)
لو كنت من تلك العصابة القبيحة لنالك السرور ولوصلك المال والتقاعد والتعويضات الى دارك.
( هذا هو واقع الحال)

صدقت أخي بابل المحترم
وشر البليه مايضحك واعذرني اريد أن اضحك
هههههههههههه
تحياتي وأحترامي أخي العزيز
يحفظك الله

[احمد14]

مشكلتك انك لست بعثيا ( أجلّك الله)
لو كنت من تلك العصابة القبيحة لنالك السرور ولوصلك المال والتقاعد والتعويضات الى دارك.
( هذا هو واقع الحال)

السلام عليكم ورحمة الله وبركاته
الكلمة الطيبة صدقة أخوي العزيز

[رافد الغزي]

السلام عليكم ورحمة الله وبركاته
الكلمة الطيبة صدقة أخوي العزيز

أحمد حبيبي ماكلتلي
شنو أجرمت اني لمن أستشهدوا بنتي وزوجتي وحتى يعاقبوني ويشيلون أسمي من القرعه؟
هاي فوكاهه يا أحمد ؟ وهذا جزاء الشهداء؟
تحياتي أخي

[رفقا بدم الشهيد]

مشكلتك يااخي انطيت شهداء وهمه اكرهون اسم الشهداء لان الشهيد اذكرهم بخيانتهم

بس مثل ماكلت وسيأتي اليوم الذي ترد فيه الحقوق

سوف ننفجر ونحرق الاخضر واليابس وانا اولهم

[وردة الياسمين]

اخي الكريم اني صار لي فترة طويلة ممشاركة باي رد او شي لاني مشغولة جدا ومريضة احيانا بسرعة اتصفح موقع شبكتنا العزيزة لاني احبها
بس موضوعك اجبرني على الوقوف والمشاركة ولو كلامنا ماراح يغير شي بس اكولك الله ينطي بنتك وزوجتك الشهيدتني فسيح جناته وماعند الله خير من غدر البشر بس انت الله ينطيك الصبر ويعينك حقيقة من كل قلبي ادعيلك واذا على موضوع الغاء اسمك من القرعة فليس بالشي الغريب مع كل الاسف اتصورنا زمن الظلم ولى مع المقبور لكن الظاهر كلشي مستمرمنح الامتيازات على ناس وناس ومنح ذوي الشهداء الظاهر بس ذوي الشهداء الذين ينتمون الى تنظيمات معينة عوضك من الله اخي وكون على ثقة انت الرابح امام الله تعالى وليس الظالم.....لكن المفروض ياخذون عبرة من الظالم اللي سبقهم

[الحلفي1]

السلام عليكم
اخي العزيز تغمد الله شهدائك بواسع جنته ومغفرته انه سميع مجيب
المشكله هنا ليست في الدوله ولا في موظف البلديه المشكله هي في القانون الاداري ومن وضع ذلك القانون فانا كموظف لو كانت الفقره تقول (على سبيل المثال)يمنح المواطن قطعه ارض وفق النقاط التاليه: الابن -البنت -الزوجه -.........
فان الموظف لايستطيع التلاعب بالقانون عند عدم تواجد احد النقاط السابقه وهذا الموضوع ليس له علاقه بالبعث او غيره وانما هناك قصور واضح بالقوانين التي يضعها المشرع العراقي بصوره عامه
واخيرا اسال الله ان يمن عليك وتمنح قطعة ارض مع تحياتي

[رافد الغزي]

مشكلتك يااخي انطيت شهداء وهمه اكرهون اسم الشهداء لان الشهيد اذكرهم بخيانتهم

بس مثل ماكلت وسيأتي اليوم الذي ترد فيه الحقوق

سوف ننفجر ونحرق الاخضر واليابس وانا اولهم

والله يا أخي حيره ماعرف شأحجي والله
معقوله مثل ماتكول؟
المؤشرات تكول كلامك صحيح
بس مو كل الشهداء لا
الشهداء اللي يسقطون هسه بالوقت الحاضر
اللي ما الهم اي أمتيازات مثل غيرهم
ومع العلم حبيبي احنه دفعنه شهداء بذاك الوقت وبهذا الوقت
بس ليش هاي التفرقه ماعرف والله يعني شي عجيب
تحياتي اخوي ربي يحفظك

[رافد الغزي]

اخي الكريم اني صار لي فترة طويلة ممشاركة باي رد او شي لاني مشغولة جدا ومريضة احيانا بسرعة اتصفح موقع شبكتنا العزيزة لاني احبها
سلامات أختي ربي يشفيج بجاه الحسين ع وصدكيني راح أدعيلج بصلاة الليل اليوم
بس موضوعك اجبرني على الوقوف والمشاركة ولو كلامنا ماراح يغير شي بس اكولك الله ينطي بنتك وزوجتك الشهيدتني فسيح جناته وماعند الله خير من غدر البشر بس انت الله ينطيك الصبر ويعينك حقيقة من كل قلبي ادعيلك واذا على موضوع الغاء اسمك من القرعة فليس بالشي الغريب مع كل الاسف
اختي العزيزه أذا كرمو ا أهل الشهيد راح يكون هذا شي معنوي يريحهم بأنو أكو أحد يحس بيهم وبمعاناتهم ويقدرهم ,اني هنا ما أريد بدم حبيبتي وأغلى ناسي زوجتي وبنتي فرحة عمري اللي راحو بليلة عيد وبسبب أهمال متعمد من الحكومه ما اريد بدمهم مكسب اللي أ حشاج أمده الدنيه بعدهم.

اني ردت حقي كموظف خدمتي أكثر من عشرين سنه,شنو الذنب اللي تنحجب عني قطعة الارض ؟
يعني أستشهاد زوجتي وبنتي هذا ذنبي؟

اتصورنا زمن الظلم ولى مع المقبور لكن الظاهر كلشي مستمرمنح الامتيازات على ناس وناس ومنح ذوي الشهداء الظاهر بس ذوي الشهداء الذين ينتمون الى تنظيمات معينة عوضك من الله اخي وكون على ثقة انت الرابح امام الله تعالى وليس الظالم.....لكن المفروض ياخذون عبرة من الظالم اللي سبقهم

اي والله يا أختي فرحنه بيهم وأنتخبناهم وكلنه زمن الظلم ولا وراح ,تاليهه نفس الشي وأزيد
أي أختي أول مره أشوف أحد يفهمني هنا أي لاعاب حلكج اني الرابح والله وخلي يزيد ظلمهم بعد أكثر
لأن الدنيه هاي سرعان ماتنتهي بس أخرة الانسان هم تنتهي؟

الف رحمه على والديج ياطيبه ربي يشفيج ويوفقج وصدكيني كلماتي بخيله امام كلماتج وفهمج للامور
وتقديرج
الله يحفظج يا أختي ويقضي كل حاجاتج بجاه كلمن عنده جاه يمه
تحياتي وكل أحترامي

[رافد الغزي]

السلام عليكم
اخي العزيز تغمد الله شهدائك بواسع جنته ومغفرته انه سميع مجيب
المشكله هنا ليست في الدوله ولا في موظف البلديه المشكله هي في القانون الاداري ومن وضع ذلك القانون فانا كموظف لو كانت الفقره تقول (على سبيل المثال)يمنح المواطن قطعه ارض وفق النقاط التاليه: الابن -البنت -الزوجه -.........
فان الموظف لايستطيع التلاعب بالقانون عند عدم تواجد احد النقاط السابقه وهذا الموضوع ليس له علاقه بالبعث او غيره وانما هناك قصور واضح بالقوانين التي يضعها المشرع العراقي بصوره عامه
واخيرا اسال الله ان يمن عليك وتمنح قطعة ارض مع تحياتي

ممنون منك حبيبي الغالي
ربي يحفظك وماتشوف شر ويرحم أمواتك بجاه الحسين ع
اي حبيبي الموظف ما اله دخل يمشي على السياق المرسوم اله
بس أكو شي أسمه المرونه للحالات هاي يعني أبسط شي مطالعه
للمراجع ضمن البلديه يرفعهه الموظف للاعلى ثم الاعلى
بأن هذا الموظف كانت نقاطه تؤهله لدخول القرعه حين رفع المعامله
وبعدها استشهدت زوجته وابنته بموجب الاوليات المرفقه طيا
يرجى التفضل بالاطلاع واعلامنا رأيكم بصدد أدخاله القرعه من عدمه
وهنا راح يقررون
بس اخي هم صوج الحكومه والمشرعين لأن لازم يخلون بأعتبارهم هاي
الحالات ليش احنه وين ياغالي مو بالعراق ؟
مو البشر تشوفه هسه وبعد دقايق يكلك أغتالوه أو أستشهد بأنفجار؟
تمام يا حبيبي لو لا؟
تحياتي وأحترامي وكل أمتناني
ربي يحفظك

[رافد الغزي]

الله يرحم الحق

[رفقا بدم الشهيد]

والله يا أخي حيره ماعرف شأحجي والله
معقوله مثل ماتكول؟
المؤشرات تكول كلامك صحيح
بس مو كل الشهداء لا
الشهداء اللي يسقطون هسه بالوقت الحاضر
اللي ما الهم اي أمتيازات مثل غيرهم
ومع العلم حبيبي احنه دفعنه شهداء بذاك الوقت وبهذا الوقت
بس ليش هاي التفرقه ماعرف والله يعني شي عجيب
تحياتي اخوي ربي يحفظك

لا يااخي بالعكس كل الشهداء وخاصتا اللي وصلوهم للحكم

اقرا هذا الرابط اذا عندك وقت

http://www.iraqcenter.net/vb/42696.html
اختك الحجيه ام حمودي

[رافد الغزي]

لا يااخي بالعكس كل الشهداء وخاصتا اللي وصلوهم للحكم

اقرا هذا الرابط اذا عندك وقت

http://www.iraqcenter.net/vb/42696.html
اختك الحجيه ام حمودي

العفو أختي آني جديد وحسبت أسمج رجل
والله خجلان منج أسف كل الاسف
وارجع للموظوع أختي أني ولد عمتي عدمهم صدام
بس المؤسسه مامقصره وياهم
ولاتظنين بيه يا أختي ىني مطلبي حق دم بنتي وزروجتي لا
أكو الله اللي يجيب الحق
بس أكول يعني بدل مايتعاطفون وياي حجبو أسمي من القرعه
تحياتي وكل أحترامي حجيه
واسف مره ثانيه
ربي يحفظكم

[الثبات]

اولا عظم الله لك الاجر باستشهاد زوجتك وطفلتك وعوضك عنهما بالمغفرة والرضوان واسكنهما فسيح جناته.
ثانيا من صبري على صبرك ولعن الله ظالمك