مسلحون يسرقون 6 مليارات

[احمد جعفر]

الي ادري بي انه كل 100 متر وهنالك سيطره اما للجيش لو للشرطه ,هاي شلون صارت 6 مليارات يعني يرادله فد 20 زلمه اذا مو اكثر لهيجي عمليه ,,او وين بالكراده ,,يعني وين ويمن ؟؟


__________________________________________________ __

عاجل .... مسلحون يسرقون 6 مليارات ونصف من مصرف الزوية ويقتلون ثمانية من حراسه..\


افاد مصدر في الجيش العراقي ان عملية سطو كبرى نفذت فجر اليوم على احد المصارف وسط بغداد .

واضاف المصدر لمراسل (وكالة انباء الاعلام العراقي /واع) ان "مسلحين مجهولون نفذوا عملية سطو مسلح على مصرف الزوية في منطقة الكرادة وسط بغداد في الساعة الخامسة والنصف صباحا وتمكنوا من سرقة 6 مليارات ونصف المليار دينار بعد ان قتلوا ثمانية من حراس المصرف ".

وبين المصدر ان " الاجهزة الامنية فرضت طوقا امنيا حول المنطقة التي يقع فيها المصرف للبحث عن المسلحين"


http://al-iraqnews.net/new/ajeel/26035.html

[السندباد]

بدر...بــدر...بـــــــــــدر

[صيهود الخنياب]

سندباد شلونك
مشتاقين
لسه ما خلصت رحلتك

سندباد
ولا تقفُ ما ليس به علم ..........................

اتصل بي
أحدهم قبل خمس دقائق
قال لي يا صيهود سندباد ..
قلت ما به ؟
قال علق على موضوع السرقة واتهم
التوابين , أقصد بدر :)
قلت له وما يدريك لعله يعلم
قال لا يعلم ولي طلب يا صيهود
قلت وما تريد
قال رد عليه بثلاث كلمات
وقال وماهن ؟
قال أكتب

بدلا من بدر بدر بدر
أكتب
صدر , صدر ......صـــــــــــدر

_:-

يا اخوان اغلب الظن ان تكون , إن صحت , قصة عصابة متخصصة في السرقة من داخل المنطقة , وأكيد راح يلزمونهم ويسوون جلدهم أحمرررررررررررررر

[احمد جعفر]

يا اخوان اغلب الظن ان تكون , إن صحت , قصة عصابة متخصصة في السرقة من داخل المنطقة , وأكيد راح يلزمونهم ويسوون جلدهم أحمرررررررررررررر

والي قبلهم ,عصابات الي سرقت البنك الي بالكاظميه بما يعادل 4 مليارات ,الي هيه اغلبه رواتب موظفين ,,والي غيرهم ,,,

مسمعنه عنهم شي؟؟

[دبوس]

الكرادة منطقة يسيطر عليها فيلق بدر
هل من المعقول ان يتركوا العصابة وعملية كبيرة بهذا الحجم راح ضحيتها ثمانية من الحراس قتلى؟
بدر
بدر
بدر
أصحى

[اللهيب]

بدر صدر

العراق الجديد

[احساس]

القوات الامنيه بمساعده الاحزاب المحسوبه على الدين
هي المسؤوله عن كل ما بحصل من خطف وسلب ونهب

[ابوعلي حسام]

وبين المصدر ان " الاجهزة الامنية فرضت طوقا امنيا حول المنطقة التي يقع فيها المصرف للبحث عن المسلحين" خبر عاجل تم القاء القبض على الويلاد بالخرابه التي تقع خلف المصرف وهم كاعدين يتقاسمون الحصص مال الغنيمه علما ان الويلاد طلع منهم واحد بدري والثاني صدري والثالث جعفري وما زال الرابع لم يحدد اتجاهه

[الكميت]

ربما ستستخدم لتمويل الدعاية الانتخابية لجهة ما
والماتوا الله يرحمهم

[احساس]

قبل ثلاث ايام قامت عصابه ترتدي الزي العسكري بالسطو المسلح على شركه النبال في
منطقع الصناعه مقابل الجامعه التكنلوجيه
وتم قتل اغلب الموجودين وجرح اخرين بسلاح كاتم الصوت

يعني الامر دبر بليل لكل من يمتلك الاموال



.

[احمد14]

والي قبلهم ,عصابات الي سرقت البنك الي بالكاظميه بما يعادل 4 مليارات ,الي هيه اغلبه رواتب موظفين ,,والي غيرهم ,,,
مسمعنه عنهم شي؟؟

السلام عليكم ورحمة الله وبركاته :

اشلون تسمع عنهم شي وتم تصفية الحسابات ( الك شده والي شده من جوه العباه ) , داخلين ابختكم على هاي السوالف .

[احمد الموالي]

هذا الاسلوب افضل من التزوير او الاختلاس الي تقوم بيه بعض الوزراء لان بهاي الطريقة لاحساب من قبل النزاهة ولا دليل على الجهة الي سرقة الاموال لكن ايا كان الا يخاف الله بقتل النفس المطمئنة رحم الله ارواح الحرس واعطى اهلهم الصبر والسلوان .بالنسبة للعراق عادية هذي الشغلة شنو الجديد على العراق من نظام البعث البائد ولحد الان جاي نعيش نفس الحياة لكن الاسلوب الان تطور قليلا مع الاسف بعض الناس بدات تترحم على صدام مع كل الاسف]


بسم الله الرحمن الرحيم( الم يان للذين آمنوا ان تخشع قلوبهم لذكر الله)

[احمد جعفر]

.بالنسبة للعراق عادية هذي الشغلة شنو الجديد على العراق من نظام البعث البائد ولحد الان جاي نعيش نفس الحياة لكن الاسلوب الان تطور قليلا مع الاسف بعض الناس بدات تترحم على صدام مع كل الاسف]


بسم الله الرحمن الرحيم( الم يان للذين آمنوا ان تخشع قلوبهم لذكر الله)

سلام عليكم

كيف يااخي مفتهمته هاي مال شغله عاديه ؟؟!!!
هاي العمليه تعتبر من اكبر عمليات السرقه الي حدثت من زمن سقوط الصنم ولحد لان !!
والحراميه بزمن هدام معروفين ,,
اما الان فلشرطه والتحقيقات تشير باصابع الاتهام الئ الجماعات الارهابيه ,,ولكن لو تاخذه بالعقل ,لوجد ان الكراده ليس معقل للارهابين والشئ الثاني الشرطه والجيش كما اشرت سابقا كل مسافه موجودين ,,فهنالك خطط عملت وبنيت على تعاون ,فالمبلغ الذي سرق ليس بالقليل ..

ولكن عجبا مصارف حكوميه وتحتوي هكذا اموال من رواتب حكوميه او غيرها ,لا يوجد فيها اجهزه انذار او كامرات او حتئ على الاقل اجهزه انذار مبكر ,فعلى اغلب الظن الحرس رحمهم الله كانوا مغدورين ,,اما بساريقين متشبهين بزي الحرس او الشرطه ,او هنالك اختراق فعلي للقوات هناك او القوات ليس لها سلطه على بعض الاطراف ليس عليها ان تفعل سوف الوقوف ساكنا ...

[صيهود الخنياب]

ما وصل الى صيهود من أخبار خاصة
لم تصل وسائل الاعلام بعد
وربما وصلت في هذه اللحظة
ان الاجهزة الأمنية كرفت كل موظفي البنك
وقبل ساعة سمعت بأنه توصلوا الى الجناة
المصدر مو رسمي

[ابو المشاكل]

يعني كم من الوقت يحتاج لقتل ثمان حراس وسرقة ستة مليارات هذا لو فرضنا ان مدير البنك ممحضر هذي المليارات بالجنط وحاطها على الميز بانتظار الحرامية ( على الاقل نص ساعة ( والشرطة وين والجيش وين نايمين ) )

اذا تحجي يكلك اسكت الله ما بينا وبينهم لا تتهم الناس بالباطل حرام عليك

واذا تسكت تموت قهر وتحس انت قشمر ومضحوك عليك

والله دخنا

والله تعبنا


يعني شلون متصفى

تاليها شلون يا عراق

تاليها شلون يا عراقيين

يعني جهنم عذابها اقوى من العيش بالعراق والله ما صدك

الى اخواننا المهاجرين ديربالكم ترجعون

لتخلون احد يضحك عليكم

ترى كذب ماكو امان

والله ما كو امان

والعباس ماكو امان

واذا واحد كلكم اكو من المسؤولين كله ليش مترجع عائلتك العايشة بهولندا لو بالنمسا للعراق ( هسه يكلك اخاف عليهم )


واذا اكو امان !!!

اكو بوك

اكو كذب

اكو خداع

اكو عمايم عايشه عالسكر والعربدة

واكو سكران بطل العرك اللي بأيده يسوه الف عمامه من جماعة ربعنه ومنريد نحجي ( الحمه تجي من الرجلين )

يعني بأختصار

العراق يخبل العاقل

فما بالكم بالمخبل شيسوي بيه

كل الناس يجيها الفرج بعد الشده

الا العراق تجي الشده بعد الشده

والموت بعد الموت

والضيق بعد الضيق

حتى قوانين رب العالمين متشتغل عدنا

والسبب احنا